ପ୍ରେମିକା
ପ୍ରେମିକା
ଯେବେଠୁ ଆସିଲ ଜୀବନରେ ତୁମେ
ସଜେଇଛି ରାଣୀ ମୋର
ସବୁଦିନ ପାଇଁ ଥିବ ସାଥି ହେଇ
ମୋ ଛୋଟିଆ ହୃଦୟର ।
ଧରିବନି ଜମା ଆଗୋ ପ୍ରିୟତମା
ରାଗ ରୁଷା ଆଭିମାନ
ତୁମେ ମୋର ସଞ୍ଜ ତୁମେ ମୋ ସକାଳ
ତୁମେ ମୋ ଫୁଲେଇ ଜହ୍ନ ।
ତୁମ ଦୁଇଆଖି ଦେଲେ ଟିକେ ଦେଖି
ଭୁଲିଯାଏ ଦୁଃଖ ଯେତେ
ତୁମେ ହିଁ ଜାଣିଛ ମୋ ଭଲ ପାଇବା
ତୁମ ପାଇଁ ଅଛି କେତେ ।
କାନ ମୋଡ଼ି ମୋର ବତେଇବ ପ୍ରିୟେ
ଯାହା କିଛି ଭୁଲ କରେ
ତୁମେ ନ ବୁଝିଲେ ଆଉ କେ ବୁଝିବ
ତୁମେ ହିଁ ମୋ ସ୍ପନ୍ଦନରେ ।
ତୁମ ଓଠ କଥା ଲାଗେଭାରି ମିଠା
ନ ଶୁଣି ମନ ବୁଝେନି
ରାଗିଲେ ତୁମେ ଭାରି ସୁନ୍ଦରୀ ଲାଗ
ଭୁଲ କେବେ ବୁଝିବନି ।
ରହିଥାଉ ଆମ ସୁନ୍ଦର ସମ୍ପର୍କ
ଜୀବନ ସରିବା ଯାଏଁ
ସରଗ ପରିକା ତୁମେ ମୋ ପ୍ରେମିକା
ଖୁବ୍ ଭଲ ମୁହିଁ ପାଏ।।