ଲାଇବ୍ରେରୀ
ପ୍ରୋଫାଇଲ୍
ଦୁଇଟି ନିର୍ଜୀବ ଶରୀର
ଦୁଇଟି ନିର୍ଜୀବ ଶରୀର
1 min
206
ଗଛରେ ଝୁଲୁଥିବା
ଦୁଇଟି ନିର୍ଜିବ ଶରୀର
ପବନରେ ଦୋଳି ଖେଳୁଥିଲା
ସମସ୍ତଙ୍କ ଆଗରେ ନିର୍ବିକାରରେ ନିର୍ଭୟରେ।
ଗଛରେ ଝୁଲୁଥିବା
ଦୁଇଟି ନିର୍ଜିବ ଶରୀର
ସମାଜ କୁ କିଛି କହିବାକୁ ଚାହୁଁଥିଲା
ଏହି ସମାଜ ସେମାନଙ୍କର ବଞ୍ଚିବାର
ଅଧିକାର ଛଡାଇ ନେଇଥିଲା
ସାଥିହୋଇ ମରିବାକୁ ବାଧ୍ୟ କରିଥିଲା ।
ଗଛରେ ଝୁଲୁଥିବା
ଦୁଇଟି ନିର୍ଜୀବ ଶରୀର
ସବୁଦିନ ପାଇଁ ଏହି ସମାଜକୁ ତ୍ୟାଗ କରି
ଦୂର ଦିଗବଳୟରେ ମିଶିଯାଇଥିଲେ
ଅକୁହା ପ୍ରଶ୍ନ ସବୁ ପଛରେ ଛାଡିଯାଇଥିଲେ ।
ଗଛରେ ଝୁଲୁଥିବା
ଦୁଇଟି ନିର୍ଜୀବ ଶରୀର
ଆତ୍ମା ତାଙ୍କର ମିଶିଯାଇଥିଲା
ସମାଜ ଆଜି ହାରିଯାଇଥିଲା
ନିର୍ଜୀବ ଶରୀର ଦୁଇଟି
ଆଜି ଯେପରି ହସୁଥିଲେ
ପବନରେ ଶରୀର ଦୁଇଟି
ନିର୍ଭୟରେ ଦୋଳି ଖେଳୁଥିଲେ ।
