ଜୀବନ ଯୁଦ୍ଧ

ମୁଣ୍ଡ ରେ କୋଡ଼ିଏ କିଲୋ ବୋଝ

ଦିନକୁ ଦୁଇଶହ ଥର ଚଢ଼ିବାକୁ ପଡେ

ତଳ ମହଲାରୁ ଉପର ମହଲା

ଶେଷରେ ମିଳେ ଦି ଶହ ଟଙ୍କା ।

ଡାହାଣ ହାତରେ ଧରିଲି ଟଙ୍କା

ବାମ ହାତରେ ପ୍ୟାକେଟରୁ ବାହାରକଲି ଚିଠା

ଦେଖିଲି ଲମ୍ବା ତାଲିକା

ଘରଣୀ, ସାନ ପୁଅ , ମା'ର ବରାଦ ।

ଘରଣୀ ପାଇଁ ଘରକରଣା

ପୁଅ ଖୋଜେ ନାନା ରକମର ଖେଳଣା

ରୋଗିଣା ମାଆକୁ ଔଷଧ

ତାଲିକା ଦେଖିଲେ ଟଙ୍କା ହେଉଛି ଉଣା  ।

ଆଖିରେ ଲୁହ, ମୁଣ୍ଡରେ ଚିନ୍ତା

ମାଲିକକୁ ମାଗିଲେ ଆଗୁଆ ପାଉଣା 

ଗାଲି, ଗୁଲଜ, ନାଲୀ ଆଖି

କେତେ ସହିବାକୁ ପଡେ ଯନ୍ତ୍ରଣା ।

ଏ ଜୀବନ ଯୁଦ୍ଧ

କେବେ ହେବ ଅନ୍ତ 

ହେବି ବିଜୟ? ନାଁ ପରାଜୟ

ମନରେ ଆସେ ଅସରନ୍ତି ପ୍ରଶ୍ନ 

ମୁଣ୍ଡ ବି ଥକି ଗଲାଣି

କେତେ ଆଉ ସହିବ ବୋଝ ?

ମନର ଦୁଃଖ, ଛାତିର କୋହ

କେମିତି ଜିଇଁବି କୁହ ?