ଜୀବନ ଦର୍ଶନ
ଜୀବନ ଦର୍ଶନ
ଦାନ ସିନା ଅଟେ ମହାପୁଣ୍ୟ ବନ୍ଧୁ
ଅପାତ୍ରରେ ଦାନ ପାପ
ଏ କଥା ମନକୁ ମୁଁ କହୁ ନାହିଁ
ଶିଖାଇଛନ୍ତି ମୋ ବାପ
ମିଛ କହିବାଟା ମହା ପାପ ବନ୍ଧୁ
ବେଳେ ବେଳେ ପୁଣ୍ୟ ହୁଏ
ଏ କଥାଟି ବନ୍ଧୁ ମାନଗଢା ନୁହେଁ
ମହାଭାରତ ଟି କୁହେ
ନର ବା ଗୁଞ୍ଜରେ ଅଶ୍ୱତଥାମା ହତ
କହିଥିଲେ ଧର୍ମରାଜ
ଏ କଥା ଶୁଣିକି ଅବଶ ହୋଇଲେ
ତାଙ୍କ ଗୁରୁ ଦ୍ରୋଣାଚାର୍ଯ୍ୟ
ଦୀପ ଶିଖା ସିନା ଅନ୍ଧାର ଦୁରାଏ
ନିଜେ ଅନ୍ଧାରରେ ରୁହେ
ଆଲୋକ ପାଇ ତ ଖୁଶି ହେଉ ଆମେ
ଦୀପ ତା କାହାଣୀ କୁହେ
ଜୀବନ ଏମିତି ସଂଗୀତଟେ ବନ୍ଧୁ
ଯିଏ ସୁର ତାଳ ଦେଇ ଗାଏ
ଦୁନିଆ ଦାଣ୍ଡରେ ସେଇ ଲୋକଟି ତ
ଲୋକହସା ହୋଇଥାଏ
ଏହା ଅଟେ ବନ୍ଧୁ ଜୀବନ ଦର୍ଶନ
ଅନୁଭୂତି ମୋର କହେ
ଭୁଲ ଥିଲେ ବନ୍ଧୁ କ୍ଷମା କରିଦେବ
ଯଦି ମିଛ ହୋଇଥାଏ ।