Library
Profile
ଜାତୀୟ ସଦ୍ଭାବନା ଦିବସର ପ୍ରତିବେଦନ
ଜାତୀୟ ସଦ୍ଭାବନା ଦିବସର ପ୍ରତିବେଦନ
ପୁଣ୍ୟଭୂମି ଭାରତର ଜଣେ ସୁଯୋଗ୍ୟ ସନ୍ତାନ
ପୁଣ୍ୟାତ୍ମା ରାଜୀବ ଗାନ୍ଧୀ ହେଲେ ଜନମ
ଲୌହ ମାନବୀ ଇନ୍ଦୀରା କୋଳ ମଣ୍ଡନ କରିଣ
ଯୁଗ ଯୁଗ ଧରି ରଖିଗଲେ ସୁନାମ
ଅଗଷ୍ଟର କୋଡିଏ ଦିନ
ଉଣୈଶ ଚୌରାଳିଶର ଶୁଭ ଲଗନ ।
ଜବାହରଙ୍କର ନାତି ଫିରୋଜ ଗାନ୍ଧୀଙ୍କ ସୁତ
ସଞ୍ଜୟ ଗାନ୍ଧୀଙ୍କର ଜ୍ୟେଷ୍ଠ ଭ୍ରାତ
ଚନ୍ଦ୍ରକଳା ପ୍ରାୟେ ବଢି କେମ୍ବ୍ରିଜରେ ପାଠପଢି
ବୈମାନିକ ପେଷା ଦକ୍ଷ ହୋଇଲେ ସେତ
ମାତା ତାଙ୍କ ଇନ୍ଦୀରା ଦେବୀ
ପ୍ରଧାନ ମନ୍ତ୍ରୀ ଭାରତର ଲୌହ ମାନବୀ ।
ବିଶ୍ବ ଶାନ୍ତି ସଦ୍ଭାବନା ବିଶ୍ବଭ୍ରାତୃତ୍ବ ଭାବନା
ହେଉଥିଲା ଆନ୍ଦୋଳିତ ହୃଦେ ତାଙ୍କର
ବିକଶିତ ଭାରତର ସପନ ଥିଲା ତାଙ୍କର
ହୃଦେ ଭାରତ ମହାନ ଧ୍ବନୀ ଝଙ୍କାର
ଭାରତରେ ଶିକ୍ଷା ବିକାଶ
ସ୍ବପ୍ନ ଥିଲା କରିବାକୁ ପୁନଃ ବିନ୍ୟାସ ।
ଉଦୀୟମାନ ଯୁବକ ଦେଶ ବିକାଶ ଭାବୁକ
ଅଜେୟ ଅମର ପ୍ରଗାଢ ଦେଶପ୍ରେମୀ
ଥିଲେ ବିଶ୍ବ ଶାନ୍ତି କାମୀ ଗାନ୍ଧୀବାଦ ଅନୁଗାମୀ
ସମଗ୍ର ବିଶ୍ବବାସୀଙ୍କ ମଙ୍ଗଳ କାମୀ
ନବ ଭାରତର ନିର୍ମାଣ
ପ୍ରମୁଖ ଲକ୍ଷ୍ୟ ବୋଲିଣ ତାଙ୍କ ଆହ୍ବାନ ।
ଇଣେଇଶ ଚୌରାଅଶୀ ଅକ୍ଟୋବର ଏକତ୍ରିଂଶ
ଦିବସର ସେ ଅଶୁଭ କାଳ ପ୍ରଭାତ
ଲୌହମାନବୀ ଇନ୍ଦିରା ଅଙ୍ଗରକ୍ଷୀ ଗୁଳିଦ୍ବାରା
ଜୀବନ ସୂରୁଯ ଅକାଳେ ହେଲା ଅସ୍ତ
ଦେଶ ଏକତା ଅଖଣ୍ଡତା
ଲାଗି ଶେଷ ରକ୍ତ ଦେଲେ ନେହେରୁ ସୁତା ।
ସେ ଦୁଖ ଦୁର୍ଦ୍ଦିନ କାଳେ ବୁଡି ଯାଉଥିଲା ଜଳେ
ଆମ ଦେଶ ଭାରତର ବିକାଶ ନାଆ
ସେ ଘଡିସନ୍ଧି ମୁହର୍ତ୍ତେ ମଙ୍ଗ ସଳଖି ଧରିଲେ
ଇନ୍ଦୀରା ସୁତ ରାଜୀବ ବୁଡନ୍ତା ନାଆ
ଦେଶର ପ୍ରଧାନ ମନ୍ତ୍ରିତ୍ବ
ଭାର ସମ୍ଭାଳି ରାଜୀବ ନେଲେ ନେତୃତ୍ବ ।
ଦେଖାଇଲେ ସ୍ବପ୍ନମାନ ନବ ଭାରତ ନିର୍ମାଣ
ଶିକ୍ଷାଦୀକ୍ଷା ପ୍ରତିରକ୍ଷା କ୍ଷେତ୍ରେ ବିକାଶ
ଶାନ୍ତି ସୌହାର୍ଦ୍ଦ୍ୟ ଏକତା ରକ୍ଷା କରି ଅଖଣ୍ଡତା
ସୃଷ୍ଟି କଲେ ବିକାଶର ନବ ଉନ୍ମେଶ
ବିଶ୍
ବ ସାଥେ ତାଳ ଦେବାର
ଆଶେ ନୂଆ ଶିକ୍ଷାନୀତି ଦାନ ତାଙ୍କର ।
ଉଣୈଶ ଛୟାଅଶୀର ଜାତୀୟ ଶିକ୍ଷାନୀତିର
ପ୍ରଣୟନେ ବିକାଶର ନୂଆ ଆୟାମ
କଂପ୍ୟୁଟର ପ୍ରଯୁକ୍ତିର ବିକାଶରେ ପ୍ରଗତିର
ସବୁ ପଥ ଆମ ଦେଶେ ହେଲା ସୁଗମ
ପାଠ୍ୟ ପୁସ୍ତକରେ ସୂଚିତ
ଏ ଦେଶ ଐତିହ୍ୟ କୀର୍ତ୍ତି ହେଲା ଲିଖିତ ।
ସକଳ କଣ୍ଠୁ ନିଃସୃତ ଚତୁର୍ଦିଗେ ମୁଖରିତ
“ମୋ ଭାରତ ମହାନ” ଅମର ସ୍ଳୋଗାନ
କ୍ରୀଡା ସାହିତ୍ୟ ସଂସ୍କୃତି କ୍ଷେତ୍ରେ ଆସିଲା ପ୍ରଗତି
ଚଢି ଚାଲିଲା ଏ ଦେଶ ଉଚ୍ଚ ସୋପାନ
ଶାନ୍ତିପୂର୍ଣ୍ଣ ସହାବସ୍ଥାନ
ଲାଗି ଦେଇ ଚାଲିଲେ ସେ ନବ ଆହ୍ବାନ ।
ଶିଳ୍ପ ବିଜ୍ଞାନ କ୍ଷେତ୍ରରେ ବିକଶିତ କରିବାରେ
ରାଜୀବଙ୍କ ଭୂମିକାର ତୁଳନା ନାହିଁ
ଶିକ୍ଷାକୁ ଗୁରୁତ୍ବ ଦେଇ ଦକ୍ଷତା ବିକାଶ ପାଇଁ
ଚେଷ୍ଟାକଲେ ସେ ଧନ ମନ ତନ ଦେଇ
ସିଂହଳ ଦ୍ବିପେ ଶାନ୍ତି ପାଇଁ
ପଠାଇଲେ ଶାନ୍ତି ସେନା ସୌହାର୍ଦ୍ଦ୍ୟ ପାଇଁ ।
ଫେରିବ ଶାନ୍ତି ସେଠାରେ ଉଗ୍ରପନ୍ଥା ବିନାଶରେ
ଫେରିବ ଶାନ୍ତି ସୌହାର୍ଦ୍ଦ୍ୟ ଓ ସଦ୍ଭାବନା
ପଡୋଶୀ ଦେଶରେ ଶାନ୍ତି ସୌହାର୍ଦ୍ଦ୍ୟ ପ୍ରତିଷ୍ଠା କରି
ପ୍ରଗତି ଆଣିବା ଥିଲା ତାଙ୍କ କାମନା
ଦୁର୍ମତି ତାମିଲ ଉଗ୍ରପନ୍ଥୀ
ସହି ପାରିଲେନି ତାଙ୍କ ଏ ଶାନ୍ତି ନୀତି ।
କରି ବୋମା ବିସ୍ଫୋରଣ ଜୀବଦୀପ ଅବସାନ
ଘଟାଇଲେ ତାମିଲ ଉଗ୍ରପନ୍ଥୀଗଣ
ଶାନ୍ତି ସଦ୍ଭାବନା ପାଇଁ ଶେଷ ରକ୍ତ ବିନ୍ଦୁ ଦେଇ
ଚିର ନିଦ୍ରା ବରିନେଲେ ସେ ଆୟୂଷ୍ମାନ
ତାଙ୍କ ସଫଳ କୀର୍ତ୍ତୀମାନ
ଅମର ହୋଇ ରହିବ ସେ ବଳିଦାନ ।
ଅକ୍ଷୟ ହୋଇ ରହିବ ତାଙ୍କ ଯଶ କୀର୍ତ୍ତିମାନ
ବଢିବ ଆମ ଦେଶର ମାନ ସମ୍ମାନ
ସୋପାନ ପରେ ସୋପାନ ଚଢୁଥିବ ଦେଶ ଆମ
କରୁଥିବ ରାଜୀବଙ୍କର ଗୁଣଗାନ
ତାଙ୍କ ଶୁଭ ଜନମ ଦିନ
'ଜାତୀୟ ସଦ୍ଭାବନା ଦିବସ' ମହାନ ।
ଆଜି ଏ ଶୁଭ ଲଗନେ ଭାରତ ବାସୀଙ୍କୁ ମୁହିଁ
କରୁଅଛି ସହସ୍ର କୋଟି ନିବେଦନ
ଶାନ୍ତି ସୌହାର୍ଦ୍ଦ୍ୟ ଏକତା ଅଖଣ୍ଡତା ରକ୍ଷା ପାଇଁ
ଏକ ମନ ଏକ ପ୍ରାଣେ କରିବା ପଣ
ବଢିବ ଏ ଦେଶର ମାନ
ଡରିବ ବଇରୀ ଦେଖି ଏକତା ଆମ ।
