ଝରା ଶ୍ରାବଣରେ ଚାଷୀ ମନ

ବହୁ ପ୍ରତିକ୍ଷିତ  ବରଷା ଆଗତ

ବାରିଧାରା ଶ୍ରାବଣର 

ଆଗ୍ରହ ଚାଷୀର ଚାଷ ଫସଲର

କ୍ଷେତ କରେ ପ୍ରସ୍ତୁତିର ll

ମୌସୁମୀ ଭରଷା ଚାତକରେ ଚଷା

ଆନନ୍ଦିତ ଦେଖି ବର୍ଷା

କରେ ବେଉଷଣ  ବିହନ ବୁଣିଣ

ଜଳ ପାଇ ବଢେ ଆଶା ll

ଚାଷେ ଦେଇ ମନ ପ୍ରଫୁଲ୍ଲିତ ଜାଣ

ଅଧିକ ଅମଳ ପାଇଁ

ଶ୍ରାବଣୀ ଧାରାରେ ଶାଗୁଆ ରଙ୍ଗରେ

ହସଇ ଫସଲ ଭୂଇଁ ll

ରିମ ଝିମ ରିମ ବର୍ଷା ରିମ ଝିମ

ଶବ୍ଦରେ ନଭରୁ ଝରେ

ଝର ଝର ହୋଇ କଳ କଳ ହୋଇ

ପାଣିଯେ ବହେ ସ୍ରୋତରେ ll

ହୋଇ ତରତର  ନ କରି ଉଛୁର

ପାଣି କାଦୁଅରେ ପଶି

କୃଷି କାର୍ଯ୍ୟ କରେ ଥଣ୍ଡା ବରଷାରେ

ମନରେ ଗୀତକୁ ଘୋଷି ll

ଶ୍ରାବଣୀର ଧାରା ହେଲେ ପ୍ରୀତିଭରା

କୃଷକ ଆନନ୍ଦେ ଖୁସି

ଶ୍ରାବଣ ମାସରେ ଖରା ନିଦାଘର

ଚିନ୍ତାରେ ପଡେଇ ବସି ll

ବନ୍ଧୁ ଜଗତର  ଚଷା ପ୍ରଂଶସାର

ଯୋଗାଏ ସେହି ଆହାର 

ଆଶା ଭରଷାରେ ଶ୍ରାବଣୀ କୃପାରେ

ଫସଲ କରଇ ତାର ll

ହେଲେ ଭଲ ବର୍ଷା ହୁଏ ପୂର୍ଣ୍ଣ ଆଶା

ଚଷା ମନ ଆନନ୍ଦିତ

ବରଷକୁ ଥରେ ଚାଷଯେ କରଇ

ଶ୍ରାବଣୀ ପାଦେ ଆଶ୍ରିତ ll