ଲାଇବ୍ରେରୀ
ପ୍ରୋଫାଇଲ୍
ଅଳିକ ସଂସାର
ଅଳିକ ସଂସାର
1 min
117
ଆଖି ଲୋଡିଲାଣି ଚଷମା ମୋର
ପଢି ହେଉ ନାହିଁ ଆଉ ଅକ୍ଷର
ଦୂର ଜିନିଷ ବି ଭଲ ଦିଶୁନି
ମିତ ଲୋ
ମୋତେ ବା ଚାଳିଶି ଟପିଲାଣି।
ଯଉବନ ଲାଞ୍ଚ ଦେଇ କୈଶୋର
ଛଡାଇ ନେଲା କିଏ ସେ ଯାଦୁଗର
ଯୌବନ ନେଇ ସେ ପୌଢ଼ତ୍ୱ ଦିଏ
ମିତ ଲୋ
ଦଉଡ଼ି ଦଉଡ଼ି ନୟାନ୍ତ ହୁଏ ।
ଗୋଟେ ଗୋଟେ ଚୁଟି ପାଚି ଗଲାଣି
ଆଖି ତଳ କଳା ପଡି ଆସିଲାଣି
ମଧ୍ୟାହ୍ନ ଯାଇ ଅପରାହ୍ନ ଆସିବାକୁ
ମିତ ଲୋ
ଅଳିତା ଲଗାଇ ସଜବାଜ ହେଲାଣି ।
ଅପରାହ୍ନ ଯାଇ ଆସି ଯିବ ସଞ୍ଜ
ଦୋହଲି ଯିଵ ବୟସ ବଡ଼ିମା ମଞ୍ଜ
ପରେମେଶ୍ୱରଙ୍କର ଅଦ୍ଭୁତ ଖେଳ
ମିତ ଲୋ
ମିଛ ମାୟାର ଏ ଅଳିକ ସଂସାର।
ଆସିଥିଲି ଏକା ଯିବା ଦିନେ ଏକା
କିଏ ହେବ କହ ମଶାଣୀ ସଖା
ମୋର ମୋର ହୋଇ ଗଲା ସମୟ
ମିତ ଲୋ
ଦିବ୍ୟ ଚେତନା ନ ହେଲେ ଉଦୟ।
