ଝଡ ବତାସର ଦିନ ସବୁ

ଭୁଲି ହୁଏନାହିଁ ବିଗତ ଦିନର

ଅଙ୍ଗେନିଭା କଥା

ଝଡ ବତାସର ଦିନକୁ ସବୁ ,

ଆସିଛି ଆସିବ ଆଗକୁ କେତେ ବି

ପତାଇ ଛାତିକୁ 

ସହିବାକୁ ହେବ ଜଞ୍ଜାଳ ଦାଉ ।

ଆସୁ ଝଡ଼ଝଞ୍ଜା ବନ୍ଯା ଦୁର୍ବିପାକ 

ସଂକ୍ରାମକ ଯେତେ

ରୋଗ ମହାମାରୀ ଯିବାନି ଡରି ,

ରହିବା ସତର୍କ ସଚେତ ସତତ

ଆମ ସୁଉଦ୍ଯମେ

ଦୁଃଖ ପରେ ସୁଖ ଆସିବ ଫେରି ।

ପାହିବ ରଜନୀ ହୋଇବ ସକାଳ

ଫାଟିବ ସିନ୍ଦୂରା

ଘନ ଅନ୍ଧକାର ବକ୍ଷକୁ ଚିରି ,

ଅରୁଣ ଉଦୟ ହୋଇବ ନିଶ୍ଚୟ

ଝଡ ବତାସର

ଦୁଃଖ ଦିନ ସବୁ ଯିବ ବଦଳି ।

ହୋଇବାନି କେବେ ଦୁଃଖରେ କାତର

ସୁଖ ସମୟରେ 

ଭୋଗ ବିଳାସରେ ଯିବାନି ମାତି ,

ହେବା ସ୍ଥିତପ୍ରଜ୍ଞ ପ୍ରତ୍ଯୁତ୍ପନମତି

ବିପଦ କାଳକୁ 

ରଖିବା ଅବଶ୍ଯ କିଛି ସାଇତି ।