ତନୟା

ଆଶ୍ରମ ତନୟା ବାରାଙ୍ଗନା ରୂପେ

ସେହି ତା'ର ନିଜ ପରିଚୟ ,

ଇଚ୍ଛାରେ ହେଉ ବା' ଅସୂୟାରେ ହେଉ

ପରିଚୟ ରଖେ ଗୋପନୀୟ ।

ଅନ୍ୟ ଦୟା, ଦାନ ପ୍ରଣୟର ଦୁଃଖ

ଜୀବନ ତା ' ହା'ହୁତାଶମୟ ,

ପ୍ରତ୍ୟାଖ୍ୟାତ ସେହି ପ୍ରଣୟର ମୂଲ୍ୟ

ପ୍ରାପ୍ତ କିଛି ମୁଦ୍ରା , ଅଙ୍ଗୁରୀୟ ।

ନିରୁପାୟ ସାଜେ ଅପଦାର୍ଥ ରାତ୍ରି

କୋଳର ଉଷ୍ମତା ପ୍ରେମମୟ ,

ଅବସାଦ ଭୋଗ୍ୟା ସାଜଇ ନାୟିକା

ରାତ୍ରି ଅଭିସାରେ ସେ' ପ୍ରଣୟ ।

ସ୍ୱଇଚ୍ଛାରେ କେବେ କୌଣସି ତନୟା 

ଦିଏନି ବେଶ୍ୟାର ପରିଚୟ ,

ଆଶା ରଖେନାହିଁ ସସ୍ନେହ ପ୍ରୟାସେ

ହେବ ବୋଲି ତା'ର ପରିଣୟ ।