କିଛି କଥା, କିଛି ବ୍ୟଥା
କିଛି କଥା, କିଛି ବ୍ୟଥା
ସରିବାକୁ ବସିଲାଣି
ଜୀବନର ଆଉ ଏକ ଦିନ,
ଦିନ ସରିବା ସହ
ଦିନକୁ ଦିନ ମୁଁ ମଧ୍ୟ
ହୋଇଉଠୁଛି ବଡ଼ ଦୀନ-ହୀନ ,
ଜୀବନରେ ଅଛି ଶୂନ୍ୟତା
ସେଥିରେ ପୁଣି ,
ଏ ନିଷ୍ଠୁର ରାତିର
ନୀରବଚ୍ଛିନ୍ନ ନୀରବତା ,
ଏମିତି ଲାଗୁଛି,
ସତେ ଯେପରି ଏ ନିର୍ଦ୍ଦୟ ସ୍ଵପ୍ନମାନ
ଏହି ମୂହୁର୍ତ୍ତରେ ,
ଜୀବନ୍ୟାସ ପାଇ
କବଳିତ କରିନେବେ ମୋତେ ,
ଏମିତିରେ ମୁଁ ଏକା
ଆଉ ମୋ ସହ ଏକା ଏକା ,
ମୋର ସବୁ ଅନାବନା
ଯାବତୀୟ ଭାବନା ,
ଡାଏରୀର ପୃଷ୍ଠା ଉପରେ
ଆଙ୍କି ଦେଇଯା'ନ୍ତି
ଅଙ୍କା-ବଙ୍କା କବିତାର ନକ୍ସାମାନ ,
ଆପ୍ରାଣ ଉଦ୍ୟମ କରନ୍ତି
ମୋତେ କବିର ପରିଚୟ
ଦେବା ନିମନ୍ତେ ,
କିନ୍ତୁ ସେମାନଙ୍କ ଉଦ୍ୟମକୁ
ତିଳେ ମାତ୍ର ଖାତିର୍ ନ କରି
ମୁଁ ପ୍ରତିଥର ମୁକୁଟ ପିନ୍ଧେ
ଏକ ଅସଫଳ କବିର ,,,