" ଚିଠି "

ବେଦନାର ପ୍ରତିଟି ସ୍ପର୍ଶ

ଚେତନାର ଗୋଟି ଗୋଟି ଦୃଶ୍ୟ ,

ଖୁବ୍ ନିରୋଳାରେ 

ପୁରା ଏକାନ୍ତରେ ,

କିଏ ବା ଶୁଣିବ ଅବା

କାହାକୁ କହିବି ...

ଏ ଅନ୍ତଃସ୍ଵର କଥା ପୁଣି

ଏ ପଞ୍ଜରାର ବ୍ୟଥା ।

ତୁମ ଅନୁଭବର ସ୍ପର୍ଶ 

ସ୍ଵପ୍ନଫେଣୀ ରକ୍ତଭରା ଦୃଶ୍ୟ ,

ନିଶୁନ ପ୍ରହରେ

ଭରା ନିଶିଟାରେ ,

କେମିତି ସହିବି ଅବା

କାହାକୁ ସମ୍ପିବି ...

ଏ ହୃଦୟ ଯନ୍ତ୍ରଣା ପୁଣି

ଏ ବିବେକ ଗଞ୍ଜଣା ।

ସେ ଫଗୁଣର ରଂଗ ସ୍ପର୍ଶ

ଶ୍ରାବଣର ଅତିନ୍ଦ୍ରେୟ ଦୃଶ୍ୟ ,

ଘନ ବିଳାପରେ 

ସୁପ୍ତ ସିନ୍ଧୁ ତୀରେ ,

କେମିତି ଲେଖିବି ଅବା

କଅଣ ଲେଖିବି ...

ସ୍ନେହରେ ତୁମରି ନାଁ ପୁଣି

ଇତି ବି ତୁମରି ନାଁ ।