ମୋ ସ୍ମୃତିରେ ତୁମେ
ମୋ ସ୍ମୃତିରେ ତୁମେ
1 min
174
ତୁମକୁ ଦେଖିବାର ମୋହ
ମୋତେ ବ୍ୟାକୁଳ କଲାଣି ,
କେଉଁଠାରେ ଅଛ ତୁମେ ଗୋ
ଆସ ଆସ ...ଥରୁଟିଏ ଆସି
ଦେଖା ଦେଇ ଯାଅ ।
ତୁମେ ଯଦି ଆସିଯାଅ
ଏଇ ଦୀର୍ଘ କାଳ ପରେ ,
ଦେଖି ତୁମ ଗୋଲାପ ଶରୀର
ଏ ମନର ବ୍ୟାକୁଳତା
ବଢ଼ି ଯିବନି ତ !
ଥାଉ ... ଥାଉ ...
ତୁମେ ଜମାରୁ ଆସନି ,
ବ୍ୟାକୁଳତାର ବକୁଳ ବନରେ
ନିଆଁ ଲାଗିବନି କି
ମୁହୂର୍ତ୍ତକେ ଜଳି ମୁଁ ଯିବିନି ।
ବରଂ ଏଇମିତି କୁହୁଳି
ଅନେକ ମୁହୂର୍ତ୍ତ ଲାଗିପାରେ
ନିଃଶେଷ ହେବାରେ ,
ଆଉ ଅନେକ ମୁହୂର୍ତ୍ତର
ବ୍ୟାକୁଳତା , ତୀବ୍ର ଶ୍ଵାସ
ରହୁ ମୋ ସ୍ମୃତିରେ ।