ଜଗନ୍ନାଥ ତୁମେ

ଜଗନ୍ନାଥ ତୁମେ ଜ୍ୟୋତିର୍ମୟ

ଜଗନ୍ମୟ ତୁମେ ଜୀବତତ୍ତ୍ଵ

ଜନ୍ମ ମୃତ୍ୟୁ ଚକ୍ର ଉର୍ଦ୍ଧ୍ୱରେ ତୁମେ ହେ

ତୁମର ନାହିଁ ଯେ ଆଦି ଅନ୍ତ ।

ଜଗନ୍ନାଥ ତୁମେ ସର୍ବବ୍ୟାପ୍ତ

ଅନନ୍ତ, ଅସୀମ ଯେ ଅବ୍ୟକ୍ତ

ସମସ୍ତ ଗଣଙ୍କ ପ୍ରତିନିଧି ତୁମେ

ନଭ ଭଳି ତୁମେ ଯେ ବିସ୍ତୃତ ।

ନାନା ରୂପେ ତୁମେ ପ୍ରକାଶିତ

ନାନା ତତ୍ତ୍ଵେ ତୁମେ ୠଦ୍ଧିମନ୍ତ

ନାନା ଦର୍ଶନକୁ ବାଣ୍ଟିଥାଅ ତୁମେ

ନବ ଦିଗନ୍ତର ସ୍ତୋତ୍ର ମନ୍ତ୍ର ।

 ଥରୁଟିଏ ତୁମ ଦରଶନେ 

ଜୀବ ବନ୍ଧନରୁ ମୁକ୍ତି ପାଏ

ସମୟ ଚକ୍ରରୁ ନିଲମ୍ବନ ପାଏ

ମୋହ ତ୍ୟାଗୀ ଟିଏ ହୋଇଯାଏ ।

ନେତ୍ରରେ ତୁମର ସୂର୍ଯ୍ୟ, ଚନ୍ଦ୍ର

ସମସ୍ତ ସତ୍ତାର ସନ୍ନିବେଶ

ବିଶ୍ଵ ବ୍ରହ୍ମାଣ୍ଡର ମହାନାୟକ ହେ

ଜଗତର ନାଥ ଜଗନ୍ନାଥ ।