ଈଶ୍ୱର

ଈଶ୍ୱର ଆମର ଭାଗ୍ୟ ଲଲାଟରେ ଲେଖିଛନ୍ତି ସବୁକିଛି,

"ତୁମେ ଯାହା ଚାହଁ ତାହା ହିଁ ହୋଇବ ''ସେ କଥା ବି ଲେଖାଅଛି |

ଭଲବାଟ ପାଇଁ ଛୋଟ ପାହାଚଟି ହୋଇପାରେ ଗ୍ରହଣୀୟ,

ଖରାପ ବାଟକୁ ବଡ ପାହାଚଟି ସବୁବେଳେ ବର୍ଜନୀୟ |

ସୁଖ ବାଣ୍ଟିବାରେ ଗଣିତ ସୂତ୍ରଟି ମୋଟେ କାମ କରେ ନାହିଁ,

ଦେଉଥିଲେ ବଢେ ରଖିନେଲେ କମେ ଆନନ୍ଦ ସୂତ୍ର ଏହି |

ନ କହିଲେ କଥା କହୁଥିବେ ଲୋକ ବୋକା ଲୋକଟିଏ ଏହି,

ବେଶିକଥା ହେଲେ ହସିବେ ପଛରେ ବାୟା-ପାଗଳା କହି |

ଯେତେବେଳେ ଯାଏ ମଣିଷ ନିଜକୁ ସାହାଯ୍ୟ କରିପାରିନି,

ସବୁ ଉପଦେଶ ଅନ୍ୟର ସାହାଯ୍ୟ କିଛି କାମ କରିବନି |

ଚେଷ୍ଟା କରୁଥିବା ଭଲ ଚିଜଟିଏ ତିଆରି କରିବା ପାଇଁ,

ଭଲକାମ କରି ନ ପାରିଲେ ନାହିଁ ଭଲ ଦିଶୁଥାଉ ସେହି |