ଈଶ୍ୱର

ଜଗତକୁ ରକ୍ଷା କର ହେ ଈଶ୍ୱର

ପଡ଼ିଛି ସବୁଠି ହୁରୀ

ତୁମ ବିନା ଏଇ ସଂସାର ଅସାର

ତୁମେ ତ ସବୁ ଆମରି ।

ଗଢ଼ିଚ ପ୍ରଭୁ ହାତରେ ତୁମରି

ଏ ସୁନ୍ଦର ପୃଥିବୀକୁ

ପଡ଼ିଛି ଆଜି ହେ ବିପତି ଧରାରେ

ରକ୍ଷା କର ସଂସାରକୁ ।

ଅଜଣା ଏ ରୋଗ ସଂସାରରେ ଆଜି

ପକାଇ ଦେଇଛି ହୂରୀ

ମଣିଷ ଜୀବନ ନଷ୍ଟ କରିଦେଇ

ଦେଉଅଛି ସିଏ ମାରି ।

କେଉଁଠୁ ଆସିଲା ଏ ଅଜଣା ରୋଗ

ଆଜିବି ତ ଜଣା ନାହିଁ

ତୁମେ ନ ରଖିଲେ ତୁମ ସଂସାରକୁ

କେହି ତ ରହିବେ ନାହିଁ ।

ରୋଗ ବାତ୍ୟା ବନ୍ୟା ଗୋଟେ ପରେ ଗୋଟେ

ଦେଉଛି ଧରାକୁ କଷ୍ଟ

ଲାଗିଲାଣି କାହିଁ କାଳିଆରେ ମତେ

ହେବକି ଦୁନିଆ ନଷ୍ଟ ।

ହାତଯୋଡ଼ି କରି ନିବେଦନ କରେ

ପ୍ରଭୁ ତୁମେ ରକ୍ଷା କର

ହାତେ ଗଢା ତୁମ ସଂସାରକୁ ତୁମେ

ତୁମେହିଁ ଉଦ୍ଧାର କର ।

ତୁମ ଗଢ଼ା ଏଇ ସୁନ୍ଦର ଧରାକୁ

ମଣିଷ ନଷ୍ଟ କରୁଛି

ସେଥିପାଇଁ ପ୍ରଭୁ ଏଇ କଷ୍ଟ ସବୁ

ମଣିଷ ଭୋଗ କରୁଛି ।

ଆସ ହେ ଈଶ୍ୱର ନିଅ ଅବତାର

କଷ୍ଟ ଏହି ଦୁର କର

ହାତ ଗଢ଼ା ତୁମ ସଂସାରରେ ପ୍ରଭୁ

ଖୁସି ତୁମେ ପ୍ରଭୁ ଭର ।

ଆସ୍ତେ ଆସ୍ତେ କରି ସବୁ ଆହେ ପ୍ରଭୁ

ନଷ୍ଟ ଯେ ହୋଇଗଲାଣି

ଦିନକୁ ଦିନକୁ ଏହି ରୋଗେ ପ୍ରଭୁ

କେତେ ଯେ ଲୋକ ମଲେଣି ।

ଶୁଣ ହେ ଈଶ୍ୱର ସଭିଙ୍କ ଗୁହାରି

କରୋନା କୁ ନାଶ କର

ତ୍ରାହି ତ୍ରାହି ବୋଲି ଡାକୁଛି ମଣିଷ

ଜଗତ ଉଦ୍ଧାର କର ।

ହୃଦୟ ଭିତରୁ ଡାକୁଛି ତୁମକୁ

ଶୁଣ ହେ ଈଶ୍ୱର ବ୍ୟଥା

ତୁମ୍ଭ ସନ୍ତାନ ଙ୍କୁ ପଡିଛି ବିପତି

ବୁଝ ଆହେ ତାଙ୍କ କଥା ।