ହଟିଆ ନାଗର

ହଟିଆ ନାଗର ହଟ ତୋ ବେପାର

    ହାଟ ବସାଉ ତୁ ବାଟରେ,

ଯେତେ କଲେ ମନା କେବେ ତୁ ମାନୁନା

    ଭାରି ତୋ ସଉକ ନାଟରେ,

ତୁ ତ ଗୋପ ବାଳା ନନ୍ଦ ଚାଟରେ, l0l

ତୋ ମୁରଲୀ ସ୍ୱନେ ବାଇ କଲୁ ମନେ

    ଗୋପେ ଯେତେ ଗୋପ ବାଳି,

ଅଧରେ ମୁରଲୀ ଚୁମ୍ବି ଦେଲେ ଥରେ

    ସର୍ବେ ସ୍ତବଧ କାନ ଡେରି,

ସ୍ୱରରେ ତୋହର ମଧୁର ମଧୁର

    ରସ ଭରି ଯାଏ ଚିତ୍ତରେ, l1l

ଗୋ ବତ୍ସା ଗୋଠରେ କେତେ ସାଥି ମେଳେ

    କେତେ ନାଟ କେତେ ଛଟରେ,

ଗୋପି ଗଣ ସାଥେ କେତେ ନଟ ଛଟ

    ଭେଇଁଛୁ ଯମୁନା ତଟରେ,

କେତେ ଯେ ବିପଦ ଟାଳିଛୁ ବାଟରେ

    ନ ଜାଣନ୍ତି କେ ତୋ ରଟରେ, l2l