ହସର ଫଗୁଣ ମୋର ଲୁହର ଶ୍ରାବଣ କରି

ହସର ଫଗୁଣ ମୋର ଲୁହର ଶ୍ରାବଣ କରି

କଷ୍ଟରେ ପକାଇ ମୋତେ 

   ନଷ୍ଟ ତୁ କରିଲୁ ଗୋରୀ

...........ହସର ଫଗୁଣ ମୋର 

                 ଲୁହର ଶ୍ରାବଣ କରି ! ୦ !

ଘରଟା ଭିତରେ ପଡ଼ି ଭାବୁଚି ଅତୀତ କଥା

ମନକୁ ହସୁଚି ପୁଣି ମନକୁ କାନ୍ଦୁଚି ବ୍ୟଥା

ହୃଦୟେ ଲେଖିବା ପ୍ରେମ ବିଦାରି ଦେଲୁଣି ଛୁରୀ

...........ହସର ଫଗୁଣ ମୋର 

                 ଲୁହର ଶ୍ରାବଣ କରି ! ୧ !

ଆକାଶ ନୀଳିମା ଆଉ ମୋ ପାଇଁ ହେଉନି ଭଲ

ଜହ୍ନର ଶୀତଳ ବାଆ ଲାଗୁଚି ନିଆଁର ଗେଲ

ଦୁଃଖର ନଈରେ ବୁଡ଼େ ଭାଗ୍ୟର ନାଆଁକୁ ଧରି

...........ହସର ଫଗୁଣ ମୋର 

                ଲୁହର ଶ୍ରାବଣ କରି ! ୨ !

ଫୁଲର ସହର ଆଜି ବାସରୁ ପାଲଟେ ବିଷ

ନିରୀହ ପଣକୁ ମୋର ବାଛିଲୁ ଏମିତି ଦୋଷ

ବିରହ ବେକାର ସିନା ଗଲିଣି ସତରେ ମରି

...........ହସର ଫଗୁଣ ମୋର 

                ଲୁହର ଶ୍ରାବଣ କରି ! ୩ !