ଲାଇବ୍ରେରୀ
ପ୍ରୋଫାଇଲ୍
ହସିବ ପୃଥିବୀ ହସିବା ସଭିଏଁ ?
ହସିବ ପୃଥିବୀ ହସିବା ସଭିଏଁ ?
1 min
90
ଆମ ପିଲା ବେଳେ
ଦଳ ଦଳ ପକ୍ଷୀ
ଉଡି ବୁଲୁଥିଲେ ନୀଳ ଆକାଶେ
ଏବେ କାହିଁ ଗୋଟେ
ଦେଖା ଦିଅନ୍ତିନି
ଭାବେ ଆସି ବସି ଯୁବା ବୟସେ
ଜେଜେ କହୁଥିଲେ
ଚିତା ଭାଲୁ ଭୁଆ
ପିଠି ଘଷୁଥିଲେ ବାଉଁଶ ଚାଞ୍ଚେ
ବେଶି ନୁହଁ ତାହା
ଦି ଦଶନ୍ଧି ତଳେ
ହେଟିପରି ତାହା ଆଖିରେ ନାଚେ
ଶୀତୁଆ ସକାଳ
ପଖାଳ ପିଂଛାଟା
ଆଚାର ଟାକରା ବାରିରେ ରଟେ
ଗୋବର ବସନା
ଲିପା ପୋଛା ବାରି
ଜଣେ ଜଣଙ୍କର ବଳକୁ କଷେ
ପଥର କୂଅ ରୁ
ସାହିର ମାଇପି
ଟାଣୁଥିଲେ ରମା ଚନ୍ଦିନୀ ଚଢିକି
ପୋତିଦେଲା ସେହି
ସିମେଣ୍ଟ ରାସ୍ତା ଟି
କାୟାବିସ୍ତାରି ଦାଣ୍ଡ ମାଟି ବାରିକି
କେତେଟା ଖାଇଲା
କିଏ କେତେ ନେଲା
ହିସାବ ନ କରି ତୁନି ଉଲ୍ଲାସେ
ଫୁଲ ଫଳ ଭରା
ତରୁ ଲତା ମଳା
ସକାଳୁ ସଞ୍ଜ ନବ ବେଶରେ ହସେ
ସବୁଜ ଜୀବନ
କାହିଁ ଗଲା ଧନ
ଭାବି ବସିଲେ ବୁଦ୍ଧି କିଛି ନ ଦିଶେ
ଫୁଲ ଫଳ ଶୂନ୍ୟ
ଆମ ବନ ଉପବନ
ପତ୍ରଭରା ତରୁ ସବୁଠି ହସେ
ହସିବ ପୃଥିବୀ
ହସିବା ସଭିଏଁ
ପରିସ୍ଥିତି ସଦା ହେବକି ସାହା
ସାବଧାନ ହୁଅ
ଯୁଗ କର୍ଣ୍ଣଧାର
ଭାଳି ପଛ ଧରି ବିଜ୍ଞାନ ରାହା
