ହୃଦୟର ପ୍ରୀତି ରଙ୍ଗ
ହୃଦୟର ପ୍ରୀତି ରଙ୍ଗ
ପ୍ରେମ ପ୍ରୀତି ରଙ୍ଗ ହୃଦୟର ସଙ୍ଗ
ସଂପର୍କ ସମ୍ବନ୍ଧ ଛିଟା ,
ସ୍ନେହଁ ସଦିଚ୍ଛାର ଏ' ହୋଲି ପରବ
ଭାବ ବନ୍ଧନରେ ବନ୍ଧା ॥
ଦ୍ଵାପର ଯୁଗର ପରମ୍ପରା ବିତ୍ତ
ରାଧାକୃଷ୍ଣ ପ୍ରେମସ୍ମୃତି ,
ଗୋପଗୋପଙ୍ଗନା ଯୌବନା ସମ୍ପଦା
ସରାଗେ ଖେଳନ୍ତି ହୋଲି ॥
ସଂସ୍କୃତି ଆଧାର ମାଅା ଭାରତୀର
ରଙ୍ଗେ ରଙ୍ଗାୟିତ ହୋଲି ,
ସ୍ନେହଁ ସୌହାର୍ଦ୍ଦ୍ୟର ଅକ୍ଷୁର୍ଣ୍ଣ ସଂପର୍କ
ହୃଦୟକୁ ଦିଏ ଖୋଲି ॥
ସର୍ବେ ଏକାକାର ସଭିଏଁ ସମାନ
ନାହିଁକିଛି ଭେଦଭାବ ,
ଛୁଆଁ ଅଛୁଆଁର ନାହିଁ ଚିହ୍ନ ବର୍ଣ୍ଣ
ବାର୍ତ୍ତାୟନି ହୋଲି ପର୍ବ ॥
ସଂସ୍କୃତି ସମ୍ପତ୍ତି ପରମ୍ପରା ପ୍ରୀତି
ବିଶ୍ୱରେ ନିଆରା ଛବି ,
ଭାରତୀୟ ଜନ ଆଦର୍ଶୀତ ଧନ
ପ୍ରଥା ପରମ୍ପରା ଭବି ॥
ସପ୍ତରଙ୍ଗ ପ୍ରେମ ଇନ୍ଦ୍ରଧନୁ ସମ
ଅବିର ସିନ୍ଦୁର ଖେଳ ,
ହଳଦୀ ମେହେନ୍ଦି ଦୁଲଣୀ ବୋଳନ୍ତି
ଝିଅବୋହୂ ହ୍ଯୁନ୍ତିମେଳ ॥
ନାଲି ହୋଲି ରଙ୍ଗ ନାଲିତ ରକତ
ଭିନ୍ନତାର ପ୍ରଶ୍ନନାହିଁ ,
ସବୁ ମଣିଷର ଗୋଟିଏ ରକତ
ଉଛ୍ୱାସରେ ଦିଅକହି ॥
ହସି ହସାଇବା କୋଳାକୋଳି ହବା
ଶୁଭେଚ୍ଛା ଜଣେଇ ଭାଇ ,
ଗୁରୁଜନ ଦେଖି ସମର୍ପିବା ଭକ୍ତି
ପାଦପଦ୍ମେ ରଙ୍ଗଥୋଇ ॥