ହୋଇବ କୁନା ସୁନା

ପାଠପଢାରେ କୁନାଟା ଆମ

ଅଟଇ ଭାରି ଢିଲା

ବରଷ ଯାକ ହୁଏନି ତାର

ବହି କି ଖାତା ଖୋଲା ।

ଶିକ୍ଷକ ଯଦି ଶ୍ରେଣୀ ଗୃହରେ

ପଢାଉଥିବେ ପାଠ

ବସଇ କୁନା କାଠଟି ପରି

ସତେ କି ଏକ ଖୁଣ୍ଟ ।

ଦିଏନି ଗୋଟେ ଠିକ ଉତ୍ତର 

ଫିଟାଏ ନାହିଁ ପାଟି

ସମସ୍ତେ ତାକୁ ନିପଟ ଗଧ

ନାମରେ ଥାନ୍ତି ଡାକି ।

ଆସଇ ଯେବେ ପରୀକ୍ଷା ବେଳ

ହୁଏ ସେ ଛକପକ

ମଗଜେ ତାର ପଶେନା ବୁଦ୍ଧି

ଅନାଏ ବକବକ ।

ଗାରେଇ ଦିଏ ଖାତାରେ ତାର

ଯାହା ଆସଇ ମନେ

ନମ୍ବର ପାଏ ବିରାଟ ଆଳୁ

ଆଖି ମଳିକି କାନ୍ଦେ ।

କହନ୍ତି ତାକୁ ବୁଝାଇ ମାଆ 

କୁନାଟା ହେବ ସୁନା 

ପଢିବ ପାଠ ମନ ଲଗାଇ 

କରିବ ଭଲ ନାଆଁ ।