ସୁନ୍ଦର ପ୍ରକୃତି

ମୁଁ ବଡ ଆମୋଦିତ ହୁଏ

ମରାଳ ମାଳିନୀ ନୀଳାମ୍ବୁ ଚିଲିକାକୁ ଦେଖି

  ଭଳି ଭଳି ଚଢ଼େଇ

  ନାନା ଜାତି ମାଛ

ମଗର ସାଙ୍କୁଚ ଶିଶୁମାର ଆଦି।

ନାଶି କୂଳ ତଥା ବ୍ରହ୍ମଗିରି ପ୍ରାନ୍ତରର

  ରାଶି ରାଶି ବାଲି ସ୍ତୁପ

ଆମ୍ବ ଲଙ୍କାଆମ୍ବ ପଣସ

 ବଉଳ ବୃକ୍ଷର ଘନ ସବୁଜିମା

ଅନତି ଦୂରରେ ଥିବା ଝାଉଁବଣ

ମଧୁମାଳତୀର ମହ ମହ 

 ମାଦକ ଭରା ବାସ୍ନା

ଯୁଇ ଯାଇ ଚମ୍ପା ନାଗେଶ୍ଵରର ସୁଗନ୍ଧ

ମିଶିଯାଏ ଦକ୍ଷିଣା ପବନରେ।

ଶାନ୍ତ କାନ୍ତ ବସନ୍ତର

ନବ ପଲ୍ଲବିତ ବୃକ୍ଷ ରାଜି

ଶୀତ କାଳର ସ୍ନାତ ଥୁଣ୍ଟା ଗଛ

ବୈଶାଖ ଜ୍ୟେଷ୍ଠ ଧୁ ଧୁ ଖରାରେ

 ମରୁ ମରୀଚିକା ଭ୍ରମ

ଦିଗନ୍ତ ବିସ୍ତାରି ନୀଳାମ୍ବୁ ଚିଲିକାର ଜଳ ରାଶି

ଶସ୍ୟ ଶ୍ୟାମଳା ଧାନ କ୍ଷେତ

ମୋ ମନ ଓ ହୃଦୟକୁ ଛୁଇଁ ଯାଏ।

ଭାବାନ୍ତର ଆସେ ଆପେ ଆପେ

 ମଥା ନଇଁ ଯାଏ

ସେହି ସୃଷ୍ଟିର ସୃଷ୍ଟି କର୍ତ୍ତା

ମୋ ଆରାଧ୍ୟ ଦେବତା

 ବିଶ୍ଵ ନିୟନ୍ତା

ଶ୍ରୀ ଶ୍ରୀ ଶ୍ରୀ ଜଗନ୍ନାଥଙ୍କ ପାଦପଦ୍ମରେ।