ଶକ୍ତିସ୍ୱରୂପା ମାଆ
ଶକ୍ତିସ୍ୱରୂପା ମାଆ
ଶରତଋତୁର କାଶତଣ୍ଡୀଫୁଲ
ସମୀରରେ ଆଜି ନାଚୁଛି
ବରଷକେ ଥରେ ଦୁର୍ଗାମାଆ ମୋ
ନୂଆ ଅବତାରେ ଆସୁଛି ।।
ନୀଳ ଅମ୍ବର ମେଘଶୂନ୍ୟ ହୋଇ
ଖିଲିଖିଲି ହସ ହସୁଛି
ମୁକ୍ତାସମ ସେଇ କାକରବିନ୍ଦୁ ଯେ
ମନଲୋଭା ପୁଣି ଦିଶୁଛି ।।
ମହିଷାମର୍ଦ୍ଦିନୀ ସିଂହବାହିନୀ
ଧରାକୁ ତୁମକୁ ସ୍ୱାଗତ
ସର୍ବ ପାପତାପ ହରିନିଅ ମାଆ
ହୋଇ ପୁନର୍ବାର ଆଗତ ।।
ସୃଷ୍ଟି ତ ଆଜି ବିନାଶ ହେଲାଣି
ହୋଇଯିବ କେବେ ଧ୍ୱଂସ
ନାରୀଜାତି ଏଠି କଷଣ ଭୋଗୁଛି
ହୋଇ ପୁଣି ତୁମ ଅଂଶ ।।
ଦେବୀମାତାଙ୍କୁ ଯେ କରନ୍ତି ସମ୍ମାନ
ନାରୀଜାତିଙ୍କର ହୁଏ ଅପମାନ
ଶକ୍ତିଦାତ୍ରୀ ମାତା ଥରେ ଦିଅ ଟିକେ ମୁକ୍ତି
ତୁମ ପାଦପଦ୍ମେ ମନ କରୁଥାଉ ଭକ୍ତି ।।