ଏକ ସୂତ୍ରେ ବନ୍ଧା

ଗୋଟି ଗୋଟି ସୁତା ଏକ ସୂତ୍ରେ ଗୁନ୍ଥା

    ହୁଅଇ ଏକ ବସନ,

ଗୋଟି ଗୋଟି ପିଣ୍ଡ ମିଶି ଏ ବ୍ରହ୍ମାଣ୍ଡ

    ସଭିଏଁ ତୋ ଦେହେ ଲୀନ,

ପ୍ରଭୁ, ତୁମେ ତ ବିଶ୍ୱ ପରାଣ, l୦l

ତୋର ଅଙ୍ଗୁ ଜାତ ଏ ସାରା ଜଗତ

    ଜନ୍ମ ପାଳନ ମରଣ,

ସତ୍ତ୍ୱ ଗୁଣେ ବନ୍ଧା ଏ ବ୍ରହ୍ମାଣ୍ଡ ସଦା

    ଯେହ୍ନେ ଗୋ ରଜ୍ୱେ ବନ୍ଧନ,

ସର୍ବ ଦେବାଦେବୀ ବନ୍ଧନରେ ଭାଗି

    ବାଦ ପଡନ୍ତିନି ଯମ, l୧l

ମହେନ୍ଦ୍ର ନୈରୁତ ଦଶ ଦିଗପାଳ

   ସୋମ ବରୁଣ ପବନ,

ବ୍ରହ୍ମା ମହେଶ୍ୱର ଚନ୍ଦ୍ର ଦିବାକର

    ଅନଳ ମରୁଦଗଣ,

ସିଦ୍ଧ କିନ୍ନର ବା ବସୁ ବିଶ୍ୱଦେବା

    ଏକ ସୂତ୍ରରେ ବନ୍ଧନ, l୨l