ଅବ୍ୟକ୍ତ ଭାବ

ଅବ୍ୟକ୍ତ ବେଦନା ଅଦେଖା ବ୍ୟଥା

ବାକିରହେ କିଛି ଅକୁହା କଥା 

ଅସୁମାରୀ ସ୍ବପ୍ନ ନୟନେ ରଖି

ଭଗ୍ନ ହୃଦୟ ମୋ ହେଉଛି ଦୁଃଖୀ ।। 

ଲକ୍ଷ୍ୟପଥ ଲାଗେ ଅନେକ ଦୂର

ଭବିଷ୍ଯ ଚିନ୍ତାରେ ଲାଗଇ ଡ଼ର  

ଅସ୍ପଷ୍ଟ ଦିଶଇ ଗନ୍ତବ୍ଯ ପଥ

ବଦଳିଯାଏ ମୋ ନିଜସ୍ବ ମତ ।। 

ସଂଘର୍ଷତାମୟ ଜୀବନ ନାଟ

କଣ୍ଟକିତମୟ ଲାଗୁଛି ବାଟ

ସଫଳତା ସତେ ଫେରାଏ ମୁହଁ

ବୁକୁରେ ସାଇତା ଅଜସ୍ର କୋହ ।।

ଆଶାର ପ୍ରଦୀପ ହେଉଛି କ୍ଷୀଣ

ଚୂର୍ଣ୍ଣ ହୁଏ ଯେତେ ଦାମ୍ଭିକ ପଣ 

ବିଶ୍ବାସର ରଜ୍ଜୁ ଶିଥିଳ ହୁଏ 

ଅବିଶ୍ବାସ ଯେବେ ମନକୁ ଛୁଏଁ ।। 

ଜଗତ ଦିଶଇ ନୈରାଶ୍ୟମୟ 

ଏକାଗ୍ରତା ମୋର ହେଉଛି କ୍ଷୟ

ଉଦବେଳିତ ହୁଏ ଆଜି ଏ ମନ

ନିରସ ଲାଗଇ ସ୍ବର୍ଣ୍ଣିମ ଦିନ ।।