ଲାଇବ୍ରେରୀ
ପ୍ରୋଫାଇଲ୍
ଅଭିମାନ ବୋଲି କିଛି
ଅଭିମାନ ବୋଲି କିଛି
1 min
201
ବେଳେବେଳେ ନୀରବ କରିଦିଏ ମୋତେ
ତୁମର ସେ ଅଭିମାନ ବୋଲି କିଛି
ସ୍ତବ୍ଧ ହୃଦୟର ଆବେଗ ନେଇ
ଭାବିନିଏ ମୁଁ ବେଶ୍ କିଛି।।
ହଁ ତୁମେ ଭାରି ଅଭିମାନୀ
ତୁମ ଅଭିମାନକୁ ଆଞ୍ଜୁଳାରେ ତୋଳି ଧରିଥିବା
ନିରୀହ ପ୍ରେମିକ ମୁଁ
ହୃଦୟ ପାନ୍ଥଶାଳାରେ ଅଙ୍କିତ ତୁମ ନାମ
ତୁମ ଅଭିମାନର ଅଧିକାରୀ ପ୍ରେମ ହାଟରେ
ତୁମ ପାଇଁ ଅପେକ୍ଷାରତ ବଣିକ ମୁଁ।।
ଏ ଅଭିମାନରୁ ହିଁ ତ
ଏ ଅମର ପ୍ରେମର ପ୍ରାଚ୍ୟ ପ୍ରାରମ୍ଭ
କିବା ବର୍ଣ୍ଣନା କରିବି ମୋ ଅଭିମାନୀ
ପ୍ରିୟାର ରୂପ ବୈଭବ!!
ସେ ତ ମୋ ମନ ମଇନା
ହୃଦ ଆଇନା
କବିତା ଅନାବନା
ରୂପ ତା କରେ ମତେ ଭାରି ଆନମନା।।
କେବେ ପ୍ରିୟା ସ୍ୱପ୍ନ ଦରିଆ ଡେଇଁ
ତୁମେ ବାସ୍ତବ ରୂପ ନେବ
ଅନେକ ଦିନର ସୀମାହୀନ ଅପେକ୍ଷାର
ମଧୁର ଅନ୍ତ ଘଟିବ।।
ତୁମ ଅଭିମାନ ଲାଗେ ଭାରି ମିଠା
ଅଭିମାନର ଟିକିଏ ଝଲକରେ ହୃଦୟର ଶେଷ ପୁଲକତା।।
ବେଳେବେଳେ ନୀରବ କରିଦିଏ ମୋତେ
ତୁମର ସେ ଅଭିମାନ ବୋଲି କିଛି
ସ୍ତବ୍ଧ ହୃଦୟର ଆବେଗ ନେଇ
ଭାବିନିଏ ମୁଁ ବେଶ୍ କିଛି।।
