Library
Profile
ସିନ୍ଦୁର
ସିନ୍ଦୁର
ଏ ନାଲି ରଙ୍ଗ ନୁହେଁ ଖାଲି ନୁହେଁ ସେ ଅବୀର
ଇଏ ହେଉଛି ଟୋପେ ସିନ୍ଦୁର ,
ଏ ଟୋପେ ସିନ୍ଦୁର ନାରୀ ପାଇଁ ସୁହାଗର ପୂଜା ମନ୍ଦିର
ନାରୀ ହେଉଛି ଏହି ମନ୍ଦିରର ପୂଜାରିଣୀ
ମିଛ ନୁହେଁ ଏତ ସତ କାହାଣୀ
ଏ କାହାଣୀ କୁ ଲିଭେଇବାକୁ ସାହସ ନାହିଁ ଯେ କାହାର
ଇଏ ହେଉଛି ସାତ ଜନ୍ମର ହସ୍ତାକ୍ଷର
ଏହି ମହତ୍ତ୍ଵ ଏ ଟୋପେ ସିନ୍ଦୁରର
ଏହା ଯୋଗେ ବନ୍ଧନ ହୁଏ ସାତ ଜନ୍ମର
ନାରୀ ମଥା ରେ ଲାଗିଲା ପରେ ଟୋପେ ସିନ୍ଦୁର
ମିଳନ ହୁଏ ପୁଣି ଯୁଗଯୁଗର
ବାପ ଘର ହୁଏ ଦୁଇ ଦିନର କୁଣିଆଁ ଘର
>ସ୍ଵାମୀର ଘର ହୁଏ ଅତି ଆପଣାର
ଏଇ ଅଢେଇ ଦିନିଆ ଜୀବନରେ
ଶାଶୁ ଘର ଦେଢ ଦିନର
ସିନ୍ଦୁର ଟୋପାକ ପାଇଁ ନାରୀ ପାଏ ପରିଚୟ ସଧବା ର
ବାହା ବେଦୀ ରେ ସିନ୍ଦୁର ତ ହୁଏ ଶେଷ ସାକ୍ଷୀ
ଦୁଇଟି ଆତ୍ମାକୁ ସାତ ଜନମକୁ ଦିଏ ଯୋଖି
ପଥର ଦେହରେ ଲାଗିଲେ ସିନ୍ଦୁର ହୁଏ ସେ ଦେବୀ ଟିଏ
ନାରୀ ମଥାରେ ଲାଗିଲେ ସେ ତାକୁ ବଳିଯିବ କିଏ
ଚଳୁଥାଏ କରି ପରକୁ ଆପଣାର
ପ୍ରଭାବ ଅଟେ ଏ ଟୋପେ ସିନ୍ଦୁରର
ଏ ନୁହେଁ ଜୀବନର ଖେଳଘର
ନାରୀ ପାଇଁ ଏ ତ ସୁହାଗର ପୂଜା ମନ୍ଦିର
ସିନ୍ଦୁର ଏ ସିନ୍ଦୁର ।
