କବି ଓ କ୍ରାନ୍ତି

ହେ ଉତ୍କଳର କବି ନାହିଁ ପଛଘୁଞ୍ଚା 

ପଡ଼ିଛ ଆଜି କି ଶୋଇ 

କ୍ରାନ୍ତି କବି ଆସେ ରଣ ହୁଙ୍କାରେ 

ଯୁଦ୍ଧର ଡାକରା ନେଇ ।

ଉଠ ଉଠ ତୁହି ଉତ୍କଳର କବି 

ସଂଗ୍ରାମ ଲାଗି ଉଦ୍ୟତ, 

ଅନ୍ୟାୟ ବିରୁଦ୍ଧେ କରିଯାଅ ରଣେ 

ଲେଖନୀ କରି ପ୍ରସ୍ତୁତ ।

ରଣକ୍ଷେତ୍ରେ ତୁହି ନୁହଇ ଏକାକୀ 

ତୋ ସାଥିରେ ଦେଶବାସୀ, 

ଅନ୍ୟାୟକୁ ତଡ଼ି ଦେଶରୁ ବିତାଡ଼ି 

ଆଣି ଦେଇପାରେ ଖୁସି ।

ସମ୍ପର୍କଟା ଏବେ ବଡ଼ ନୁହେଁ ଏବେ 

ବଡ଼ ସେ କ୍ରାନ୍ତି ଜୀବନ, 

ସମାଜଠୁ ଟିକେ ଦୂରେଇ ଯାଇ ତୁ 

ସମାଜକୁ ଦେ ପ୍ରାଣ ।

ଲେଖନୀ ତୋ ସତ୍ୟ ଵୋଲାଉ ତୁହିରେ 

ଉତ୍କଳେ କ୍ରାନ୍ତିକୁ ଭଣି, 

କବିର ଚାତୁରି ସତ୍ୟର ପୂଜାରୀ 

ସମାଜେ ଅଗ୍ରଣୀ ପୁଣି ।