ଜ୍ଞାନ
ଜ୍ଞାନ
ଶାସ୍ତ୍ର ଓ ପୁରାଣ ତୁମ ମସ୍ତିଷ୍କରେ
ଘର କଲେ କି ହୋଇବ
ଅସହାୟଟିଏ ଦୁଆରେ ଡାକିଲେ
ମୁହଁ ଯଦି ଫେରାଇବ ।
ବସୁଧୈକ କୁଟୁମ୍ବେନ କହୁଥିବା
ଆଚରଣରେ ନ ଥିବ
ପ୍ରଭୁ ଦତ୍ତ ଏଇ ଅମୂଲ୍ୟ ଜୀବନ
ଯଦି ସୁକର୍ମେ ନ ଯିବ ।
ଗୀତା ଜ୍ଞାନ ପ୍ରବଚନ ହେଉଥିବା
ଦୁଷ୍କର୍ମରେ ଲିପ୍ତ ଥିବା
କି ହେବ ସେ ଜ୍ଞାନ କୁହ ମୋର ଭାଇ
(ଯଦି) ସେବା ମର୍ମ ନ ବୁଝିବା ।
ରାମାୟଣର ସେ ମର୍ଯ୍ୟାଦା ଓ ପ୍ରେମ
ଉଦ୍ ଘୋଷିତ କରୁଥିବା
କି ହେବ ସେ ଜ୍ଞାନ ଆଦି ସୁଧିଜନ
(ଯଦି) ଲକ୍ଷ୍ମଣ ରେଖା ଭୁଲିବା ।
ଜ୍ଞାନ ଯଦି ଆମ କର୍ମେ ନ ଫୁଟଇ
ସେ ଜ୍ଞାନେ କି ଲାଭ ଅବା
ଜ୍ଞାନ ନ ଥାଇ ବି ସରଳ ମଣିଷ
କରେ ନିରଳସ ସେବା ।