Library
Profile
ହଁ ନା'ର ମିଛ ଏ ସମ୍ପର୍କ
ହଁ ନା'ର ମିଛ ଏ ସମ୍ପର୍କ
ସ°ସାରରେ ଲୋଡା ହୁଏ ସୁସ°ସ୍କାର
ବିଦ୍ୟା ଦର୍ଶନ ସାହିତ୍ୟ
ସବୁରି ମୂଳରେ ଥାଏ ବିଦ୍ୟମାନ
ସୁସମ୍ପର୍କ ଭାବଗତ ।
ଗଠିତ ହୁଏନା ଆମ ପରିବାର
ଆଦର୍ଶ ସମାଜ ଜାତି
ସମ୍ପର୍କ ବିହୁନେ ଉପୁଯେ ଜୀବନେ
ସଙ୍କଟଜନକ ସ୍ଥିତି ।
ଧାଉ°ଛି ମଣିଷ ଅନ୍ଧାର ପଛରେ
ଯନ୍ତ୍ର ପରି ଅବିରତ
ଦିନରାତି ଏକ କରି ଅରଜୁଛି
କେବଳ ସମ୍ପତ୍ତି ଅର୍ଥ ।
ନାହିଁ ଦାଦା ଖୁଡି ବଡ଼ମା ଦେଠେଇ
ବୁଢୀ ମାଆ ଜେଜେବାପା
ହଜି ତ ଗଲେଣି ଅଜା ଆଈ ସବୁ
ମାମୁଁ ମାଇଁ ସାଙ୍ଗ ସଖା ।
ଘରେ ବସି ଏକା ଦେଖାହୁଏ ଟିଭି
ଧରି ମୋବାଇଲ ବ୍ୟସ୍ତ
ରହିବି
ନିକଟେ ଦେଖୁ ନାହିଁ କିଏ
ସାଇ ପଡୋଶୀଙ୍କ ମୁଖ ।
ପରିବାର ମଧ୍ୟେ ନାହିଁ ସୁସମ୍ପର୍କ
ଆଗପରି ସୁବିଶ୍ୱାସ
ବାର୍ଦ୍ଧକ୍ୟ ସମୟେ ଅତି ଅସହାୟ
ମାତାପିତା ହାହୁତାଶ ।
ଭାଙ୍ଗି ଯାଉଅଛି ସପନ ମହଲ
ବାଲିଘର ପ୍ରୀତିପ୍ରେମ
ବହୁନି ମମତା ଅମୃତ ନିର୍ଝର
ମଣିଷ ହୃଦୟହୀନ ।
ମତାନ୍ତର ହୁଏ ସାମାନ୍ୟ କଥାରେ
ବିବାହ ବନ୍ଧନ ଚ୍ଛିନ୍ନ
ଜୀବନେ ଜ୍ଜ୍ୱଳନ ଅତି ଦୁର୍ବିସହ
ସମ୍ବେଦନହୀନ ଶୂନ୍ୟ ।
ବୁଝୁ ନାହିଁ ବ୍ୟସ୍ତ ବିବ୍ରତ ମଣିଷ
ମହତ୍ତ୍ଵ ସୁମୂଲ୍ୟବୋଧ
ପହ°ରେ କୁହୁଡି ହଁ ନାହିଁ ମଧ୍ୟେ
ଲାଗଇ ମିଛ ସମ୍ପର୍କ ।
