ହାଟ

ହାଟ ବସିଛି ଏଇଠି 

ଏକ ଦମ୍ ଖୋଲା ହାଟ ,

ଭଳି କି ଭଳି ଚିଜ ମିଳେ ହାତ ପାଖରେ .....।

ହାଟ ଏଇଠି ମିଛୁଆ ମାନଙ୍କର,

ସତ ଏଇଠି ବିକ୍ରି ହୁଏ 

ଭାରି କମ୍ ଦାମ୍ ରେ ,

ସତ ର ପାଖେ ଛିଡ଼ା ହେବାକୁ 

ସେ ଚୋର ମାନଙ୍କୁ ଭାରି ଡର ,

ଘର କଣରେ

ଲୁଚି ରହିଯାଏ ତାଙ୍କ ଦେହ ସିଞ୍ଚି ଦେଇ ଦାମୀ ଅତର ।

ହାଟ ବସିଛି ଅମାନବିକତାର ,

ମଣିଷ ପଣିଆ ନିଲାମ କରାଯାଏ 

ବିନା ମୂଲ୍ୟରେ ......।

ହାଟ ବସିଛି 

ପଛରେ ପଣସ ଥୁଆ ,

ହାଡ଼ ଫିଙ୍ଗି ପାଇ

ବସ ହୋଇଥିବା ଚାମଚାଙ୍କର ,

ବ୍ୟକ୍ତିତ୍ଵକୁ ବନ୍ଧା ପକେଇ 

କିଣନ୍ତି ମିଛି ମିଛିକା ଖୁସିକୁ ....।

ହାଟ ବସିଛି ସ୍ୱାର୍ଥପରଙ୍କର ,

ନିଃସ୍ୱାର୍ଥରତା ଏଇଠି 

ନାଲି ଗୋଡି ସହ ଚକଟା ହେଇଯାଏ .....।

ଏ ହାଟ ରେ ପାଦ ବି ପକେଇବା 

ଭାରି ଡର....,

ଦୂରରୁ କୋଟି ଦଣ୍ଡବତ ସେ ହାଟକୁ ...।