ଅମାନିଆ
ଅମାନିଆ
ଆରେ କେତେ ଅମାନିଆଟା ତୁ ,
କାହିଁକି ଏତେ ରାଗ ଯେ ମୋ ଉପରେ .....।
ଈର୍ଷା କରୁ କି .....?
ମୋତେ ଭାରି ଭଲ ଲାଗେ
ମୋ ପାଦ ଚିହ୍ନ ପକେଇବାକୁ ,
ବେଳାଭୂମିର ବାଲୁକା ରାଶି ଉପରେ ....।
ମୁଁ ନିଜେ ଅନୁସରଣ କରେ
ମୋ ପାଦକୁ ...।
କାହିଁକି ନା ମୋତେ ଭଲ ଲାଗେନା ,
ଆଉ କାହାର ରାସ୍ତାରେ ଚାଲିବାକୁ ,
ଭଲ ଲାଗେନା .....
ଆଉ କାହା ନିୟମରେ ବାନ୍ଧି ରହିବାକୁ ......।
ନିଜ ପାଦରେ ବେଡି କାହାକୁ ବା ଭଲ ଲାଗେ ,
ଜବରଦସ୍ତିର ଶିକୁଳି କିଏ ବା ଚାହେଁ .....।
ହଁ ଯଦି ସେ ବନ୍ଧନ ସ୍ନେହର ,
ଯଦି ସେ ବେଡି ଆତ୍ମୀୟତାର
ତେବେ ନିଜେ ପିନ୍ଧି ହୁଏ ନିଜ ପାଦରେ ......।
ଖାସ୍ ସେଥି ଲାଗି
ମୋତେ ଭଲ ଲାଗେ ମୋ ପାଦ ଚିହ୍ନ ,
ମୁଁ ଚାହେଁ ତାକୁ ଦେଖିବାକୁ ବାର ବାର ......।
କିନ୍ତୁ ତୋର ସେ ଅମାନିଆ ଜଳ ରାଶି
କାହିଁକି କେଜାଣି ,
ତାକୁ ଧୋଇ ନିଏ ......।
ରାଗରେ ନା ଈର୍ଷାରେ .....?
ଯାହା ବି ହେଉ ,
ତା ଲାଗି ଆଜି ମୋର ଅଭିମାନ ତୋ ଉପରେ ..........।