ଭିଟାମାଟି

କଳ କାରଖାନା ଖଣି ଶିଳ୍ପାଞ୍ଚଳ 

ଖୁସିରେ ଉଠୁଛି ଫାଟି,

ଶୁଣ ଥରେ ବନ୍ଧୁ ଗୁମୁରି ଗୁମୁରି

କାନ୍ଦେ ଆଜି ଭିଟାମାଟି 

ସାତ ପୁରୁଷର ସେ ସ୍ରଷ୍ଠୀ l

ଜମି ଗଲା ଜଙ୍ଗଲ ଗଲା

ଦୁଇ ଆଖି ଗଲା ଫୁଟି ,

ଫୁଟିଲା ଆଖିରେ ଲୁହ ବି ଝରୁନି

ଛାତି ତ ହେଲା କଷଟି 

ନ୍ୟାୟ ଅଧିକାର ଆମ ଦରକାର

ଲୋଡ଼ା ଥଇଥାନ ନୀତି,

ଠଣା କରିବାକୁ କଣିଚାଏ ନାହିଁ

ସ୍ଥାୟୀ ନୁହଁ ଠିକା ନିଯୁକ୍ତି

କଲୋନୀଟେ ଦେଇ ଭେଟି l

ଏନ୍ତୁଡ଼ି ମଶାଣି ପୁଣି ଠାକୁରାଣୀ

ଲିଭିଲା ଧର୍ମ ସଂସ୍କୃତି

କୃଷକର ସଂଜ୍ଞା ବଦଳି ଯାଇଛି

ପାଇଣ ଚୁକ୍ତି ନିଯୁକ୍ତି,

ସମାଜିକ ସ୍ମାରକ ଗଲା କଟି

ତୁଟିଚି କୁଟୁମ୍ବ ଜ୍ଞାତି l

ହରାଇ ଜୀବିକା ସବୁ ଏକା ଏକା

ଶୁଖି ଯାଉଅଛି ତଣ୍ଟି,

ଆଗାମୀ ଵଂଶକୁ ଆସିବାକୁ ମନା

କାନ୍ଦି କହେ ଭିଟାମାଟି l