ସ୍ପର୍ଶ

ଆସିଥିଲ ତୁମେ     ଏଇ ମୋ ଜୀବନେ 

     ହୋଇ ସଜ ଫୁଟା ଫୁଲ 

ପ୍ରଥମ ଦେଖାରେ     କଣ ଯେ ହେଲା 

     ପାଇଗଲି ତୋତେ ଭଲ 

କଥା ହେବାକୁ ମୋ    ଭାରି ଇଛା ଥିଲା 

     ପ୍ରଥମ ଆଖିର ଦେଖାରେ 

 ଚୁପ ରହିଗଲି       ଜାଣି ଶୁଣି ପୁଣି 

    ହେବ ଆଉ ଥରେ ଭେଟରେ        ।।

ଭେଟ ହେଲା ଯେବେ  ତୁମ ସାଙ୍ଗେ ମୋର 

      ପୋତି ଥିଲି ମୁହଁ ତଳକୁ 

କିଛି କଥା ତୁମେ      କହି ଦେଇ ମୋତେ 

     କିଣି ନେଲା ମୋର ମନକୁ        ।।

ଅନେକ ଦିନର        ମିଳାମିଶା ପରେ 

     ଦେଲ ତୁମେ ମୋତେ ନମ୍ବର 

ନମ୍ବର ଦେଇକି        ମନ ମୋ ନେଇକି 

      ଚୋରି କଲ ନିଦ ରାତିର       ।।

ଗୋଲାପ ତୁମକୁ        ଆଣି ଦେଇଥିଲି 

       କହିଥିଲି ହାତ ଛୁଇଁ 

ଯାହା ହେଇଯାଉ       ଏ ଜୀବନେ ପଛେ 

      ମୋତେ ଭୁଲି ଯିବ ନାହିଁ       ।।

ସେଇ ସ୍ପର୍ଶ ତୁମ        ମନେ ପଡେ ଆଜି 

       ଚୁମିଥିଲି ତୁମ ହାତକୁ 

ତୁମ କଥା ଭାବି         ତୁମ ପାଇଁ ଲେଖି 

       ଶୀର୍ଷକ ରଖିଛି ସ୍ପର୍ଶକୁ       ।।