ପ୍ରେମ ଏକ ରହସ୍ୟ
ପ୍ରେମ ଏକ ରହସ୍ୟ
ତୁମ କଥା ଭାବି ଚାନ୍ଦ ମୁଁ ଦେଖୁଚି
ତୁମ କଥା କେତେ ରାତିକୁ କହୁଛି
ପ୍ରେମର ମାୟାରେ ଘେରି ,
ସ୍ୱର୍ଗ ରାଇଜର ପରି ତୋତେ ଭାବି
ମନ ମନ୍ଦିରରେ ନୀତି ତୋତେ ପୂଜି
ଗଲିଣି ପ୍ରେମର ରହସ୍ୟ ମରି ||
ଜାଲ ପରି ତୋର ପ୍ରେମର ନଅର
ମୁଁ ପଥ ଭ୍ରଷ୍ଟ ବାଟୋଇଟେ
ଅନ୍ଧାର ନଅରେ ମରୀଚିକା ଦିଶେ
ତୋ ପ୍ରେମର ପରସ ବୁନ୍ଦେ ||
କି ପରି ପରୀ ତୁ ଗଢିଛୁ ନଅର
ମାୟାବିନୀ ପ୍ରିୟା ମୋର
ସାତ ସିନ୍ଧୁ ସାତ ଫରୁଆ ଭିତରେ
ରଖୁ ପ୍ରେମ ଅଣୁ ତୋର ||
ତୋ ପାଇଁ ପାଗଳ ମୁଁ ପରା ଭ୍ରମର
ପ୍ରେମର ରହସ୍ୟ ଘେରି
ନେହୁରା ହଉଚି ବିନତି କରୁଛି
କର ପ୍ରେମ ସାଗରରୁ ପାରି ||