ହଜିଯିବା ବନ୍ଧୁତ୍ୱରେ
ହଜିଯିବା ବନ୍ଧୁତ୍ୱରେ
ଭାଗବତ ବାଣୀ ମନେ ପଡେ ମୋର l
ଉତ୍ତମ ସଙ୍ଗେ ସଙ୍ଗ ଯାର, ସେ କରେ ଉତ୍ତମ ବେଭାର l
ତେଣୁ ଉତ୍ତମ ବନ୍ଧୁ ଦେଖି ବାଛିବା l
ମୈତ୍ରୀ, ପ୍ରୀତିର ସଂସାର ଆପଣାଇବା l
ସର୍ବେ ଆମେ ପରମାତ୍ମାର ସନ୍ତାନ l
ବନ୍ଧୁ ପାଇଁ ଜାତି ଧରମର ନାହିଁ ସ୍ଥାନ l
ସ୍ନେହ ମମତାର ବନ୍ଧନର ଏହି ତ ଡୋରୀ l
ନୁହନ୍ତି, କେ କାହା ଅଇରି କି ଅବା ଭଗାରୀ l
ବନ୍ଧୁତ୍ୱ, ନିଃସ୍ବାର୍ଥପରତା ମନର ଭାବ l
ଦୂରେ ଥାଇ ମଧ୍ୟ ପାଖେ କରେ ଅନୁଭବ l
ଚକ୍ଷୁ ବନ୍ଦ କଲେ ପାଉ ଯାହାକୁ ନିତି l
ଅନୁଭବ କରିବା ସେହି ବନ୍ଧୁର ଉପସ୍ଥିତି l
ମିତ୍ର, ଦୁଃଖରେ ପାଖେ ଥିଲେ ଠିଆ ହୋଇ ।
ତାର ସାନିଧ୍ୟରେ ସବୁ ଦୁଃଖକୁ ଦିଏ ଭୁଲେଇ।
ପଢ଼ିଛେ, ବନ୍ଧୁତା କର୍ଣ୍ଣ ଦୁର୍ଯ୍ୟୋଧନ ଭିତରେ l
ବନ୍ଧୁତା ରାମଚନ୍ଦ୍ର ଆଉ ସୁଗ୍ରୀବଙ୍କ ମଧ୍ୟରେ ।
ପୁରାଣେ ପଢ଼ିଛେ କୃଷ୍ଣ ସୁଦାମାଙ୍କ ଭାବ l
ଭାବିବା ଆପଣା ପଣରେ, ସେ ବନ୍ଧୁତ୍ୱ ସମ୍ଭବ l
ଆଜି ମିତ୍ରତା ଦିବସେ ଘେନ ମୋ ଅଭିନନ୍ଦନ l
ସୁଖେ ରହି ହସୁଥାଅ ଏ ଦୁନିଆରେ ମୋର ବନ୍ଧୁଗଣ।