ଲାଇବ୍ରେରୀ
ପ୍ରୋଫାଇଲ୍
ରାଧା ପାଖେ ମନ ବନ୍ଧା
ରାଧା ପାଖେ ମନ ବନ୍ଧା
1 min
369
କାଳିଆ ଯାଏଲୋ ଆଡ଼ପ ମଣ୍ଡପ
ମନେ ପଡିଯାଏ ରାଧା
ଭାବର ଉଆଶେ ଗୁପତ ରାହାସ
ପ୍ରେମ ପରତିରେ ବନ୍ଧା
ବନ୍ଧୁ ରେ ବନ୍ଧୁ ରେ
ଭାବେ ଅଧୀର ଭାବ ତରଙ୍ଗ
ଭାବ ରେ ହୁଅଇ ଓଦା....ll
ଛାଡି ଆସିଥିଲା ଗୋପରେ ରାଧାକୁ
ନୀଳାଚଳେ ବିଜେ ହୋଇଲା
ରୁକ୍ମିଣୀ ହରଣ ଲକ୍ଷ୍ମୀ ଙ୍କୁ ବରଣ
ଲିଳା ସେ କେତେ ଭିଆଇଲା
ଗୁଣ୍ଡିଚା ମନ୍ଦିରେ ନିଇତି ରାତିରେ
ରାଧା ପାଖେ ଯାଏ ଚାଲିଲୋ
ରାଧାକୁ କୋଳେଇ ଦୋଳି ଖେଳେ ଜଗା
ଫୁଲ ଝୁଲଣାରେ ଝୁଲେଲୋ
ପହିଲି ପ୍ରେମ କୁ ପାଶୋରି ପାରୁନି
ରାଧା ପାଖେ ମନ ବନ୍ଧା ...ll
ଲକ୍ଷ୍ମୀ ଙ୍କ କାନରେ କଥା ପହଞ୍ଚଇ
ପାରନ୍ତିନି ସିଏ ସହିଲୋ
ହେରାପଞ୍ଚମୀ ରେ ଗୁଣ୍ଡିଚା ମନ୍ଦିର
ମାଆ ଆସିଥାନ୍ତି ଧାଇଁଲୋ
କପଟି କାଳିଆ ଦେଖା ଦିଏ ନାହିଁ
ମାଆ ଲକ୍ଷ୍ମୀ କରନ୍ତି ମାନ
ଲେଉଟିଲେ କାନ୍ତ କବାଟ କିଳନ୍ତି
ଜଗା ଭାଙ୍ଗଇ ଅଭିମାନ
ଶରଧାବାଲି ରେ ପ୍ରେମର ସଉଦା
ରାଧା ପାଖେ ରହେ ଅଧା ...ll
