ହଜିଲା ଅତୀତ

   🌹ହଜିଲା 🌹

   .. . . . . . . . . . . . . . . . 

    

ଭାବିଥିଲି ମନେ  

ଭୂଲି ଯାଇଥିବ

    ଏତେ କଥା ହେଲା ପରେ 

ମେସେଜ୍ ଚାଟିଙ୍ଗ୍   

ଫୋଅନରେ ନାହିଁ

    କଥା ଯାଇ କୋଅର୍ଟରେ ll 1

     

ତମ ବାପା ବୋଉ   

ଭଉଣୀ ଭାଇଏ

      ମିଶି କଲେ ହଲାପଟା 

ବାଟରେ ଛକିଲେ   

ଗାଳିମନ୍ଦ ଦେଲେ 

      ବିଛାଇଲେ କେତେ କଣ୍ଟା ll 2

ରାତାରାତି ଲୁଚି    

କଲେ ବାହାଘର 

     ଶାଶୁଘର ଗଲ ଚାଲି 

ମନର ଗୁପତେ  

ଝୁରିହୁଅ ମୋତେ 

     ପାରିନ ଏହ ଯାଏଁ ଭୁଲି ll 3

କି ଲାଭ ପାଇଲ  

ବଦନାମ କଲ

    ପ୍ରେମ ମାନେ ନ ବୁଝିଲ 

ପ୍ରେମ ଯେ ଅମର  

ଶାଶ୍ବତ ମଧୁର 

     ଏ କଥାକୁ ଭୁଲିଗଲ ll 4

ଆଜି ଯେବେ ଦେଖେ   

ବିବାହ ବାର୍ଷିକୀ 

     ପାଳୁଛ ଏକାକୀ ହୋଇ 

ମନରେ ପୁଳାଏ  

ପ୍ରଶ୍ନ ଉଙ୍କିମାରେ 

      ଉତ୍ତର ମୁଁ ପାଏ ନାହିଁ ll 5

        

ବନ୍ଧୁ ବୋଲି ମୋତେ   

ଅନୁରୋଧ ବାର୍ତ୍ତା 

      ପଠାଉଛ ବାରବାର

ହଜିଲା ଅତୀତ   

ହଜିତ ଗଲାଣି 

      ହୋଇବକି ସେ ନିଜର ll 6