Library
Profile
ଅନେକ ଦିନ ପରେ
ଅନେକ ଦିନ ପରେ
1 min
232
ଅନେକ ଦିନ ପରେ ଦେଖାହେଲ ତମେ
ଲାଗୁଥିଲ ନୂଆ ନୂଆ
ସେ ଦିନର ରାତି ସାଉଁଟା ସେ ସ୍ମୃତି
ପ୍ରୀତିପୂର୍ଣ୍ଣ ସେହି ଛୁଆଁ।
ଅଳ୍ପାୟୁଷେ ଅନ୍ତ ହୋଇଲା ତୁମରି
ପ୍ରଥମ ମୋ ସହ ଦେଖା
ବର୍ତ୍ତି ଯାଇଥିଲି ମରୁ ମରୁ ସଖି
କରିଥିଲ ତମେ ରକ୍ଷା ।
ଚକ୍ଷୁଦ୍ବୟ ମୋର ମିଶିଥିଲା ତମ
ମୃଗୁଣୀ ନୟନ ସାଥେ
ବାହୁ ଯୁଗଳରେ ବନ୍ଦିକରି ସଖି
ଫେରାଇଲ ପ୍ରାଣ ମତେ ।
ଦୁର୍ଘଟଣା ପରେ ତମେ ଚାଲିଗଲ
ଅଜଣା ସହରେ ବୋଧେ
ଖୋଜୁଛି ନୟନ ତୁମକୁ ଈଶ୍ୱରୀ
ସ୍ଥାନ ଅଛି ହୃଦ ମଧ୍ୟେ ।।
