ହିରୋ
ହିରୋ
ଜାଣନ୍ତି ସଭିଏଁ ମହାଭାରତର
ହିରୋ ଥିଲେ ଅରଜୁନ
ଶ୍ରୀକୃଷ୍ଣଙ୍କୁ ସଖା ରୂପରେ ପାଇ ସେ
ଲଭିଲେ ପରମ ଧନ ।
ହିରୋ ହୋଇ ସୁଦ୍ଧା ଶରଣାଗତ ସେ
ହୋଇଲେ ଶ୍ରୀକୃଷ୍ଣଙ୍କର
ପ୍ରାର୍ଥନା କରିଲେ ଅଚିନ୍ତ୍ୟ ଅବ୍ୟକ୍ତ
ଅନନ୍ତ ଅବ୍ୟୟଙ୍କର ।
ବିଭୁ ପ୍ରଭୁ ଭାବିତ ବିଶ୍ବ ଭାବନ
ତିିନିଲୋକର ବିସ୍ତାର
ବିଚାର ଯାହାର ମହାତ୍ମାଙ୍କ ଗତି
କୃଷ୍ଣ ଶରଣ ସୋଦର ।
ପଶିଲେ ଶରଣ ଚରଣେ ତାଙ୍କର
ପ୍ରପନ୍ନ ଶିଷ୍ଯ ରୂପରେ
କର୍ମ ଭକ୍ତି ଜ୍ଞାନ ସର୍ବ ଯୋଗ ସାର
ଶରଣାଗତ ଭାବରେ ।
ରହି ହେଲେ ତୋଷ ଗଭୀର ବିଶ୍ବାସ
ରଖିଲେ କୃଷ୍ଣଙ୍କ ଠାରେ
ଜୟଲାଭ କଲେ ପରିଶେଷରେ ସେ
ମହାଭାରତ ସମରେ ।
ହୁଅ ଯେତେ ବଳୀ ଥାଉ ଯେତେ ବଳ
ଯେତେ ବଡ ହିରୋ ହୁଅ
ଶରଣାଗତ ହୋଇଲେ କୃଷ୍ଣଙ୍କର
ତୁଟିଯିବ ସବୁ ଭୟ ।
ବିପଦେ ଆପଦେ ଶରଣାଗତର
ପାଶେ ହେବେ ପ୍ରଭୁ ଠିଆ
ଯେତେ ବାଧା ବିଘ୍ନ ଆସିବ ଜୀବନେ
ତୁଟିଯିବ ସବୁ ମାୟା ।