ହେଉ ନାରୀ ସୁରକ୍ଷିତ

ଅବଳା ଦୁର୍ବଳା ନୁହେଁ ଅସହାୟ

ଭୋଗସର୍ବସ୍ୱତା କାମ

ମହାଶକ୍ତି ନାରୀ ପ୍ରକୃତି ପୃଥିବୀ

ସର୍ବ°ସହା ସ୍ନେହପ୍ରେମ ।

ନାରୀ ଜନ୍ମଦାତ୍ରୀ ଜାୟା ଓ ଭଗିନୀ

ପୁଣ୍ୟ ସ୍ୱର୍ଗ ସୁଖ ପଥ

ନାରୀ ସୁକୋମଳ ଶାନ୍ତ ସମୀରଣ

ତଟିନୀ ନିର୍ଝର ସ୍ରୋତ ।

ସ°ହତି ସୁମତି ଶାନ୍ତି ମୈତ୍ରୀ ପ୍ରୀତି

ସୁଖ ସୈ।ଭାଗ୍ୟ ଦାୟକ

ନାରୀ ନାରାୟଣୀ ପାଣି ସୁଗ୍ରହଣେ

ଚର୍ତୁଭୂଜ ହୁଏ କାକ ।

ସୁହାସିନୀ ନାରୀ ଅମୃତ ପ୍ରସବା

ଜୀବନ ଆନନ୍ଦ ଉତ୍ସ

ଝରେ ତାର କଣ୍ଠୁ ମଧୁର ସୁନ୍ଦର

କଥା ମିଠା ମିଠା ଗୀତ ।

ରହୁ ଅନାବିଳ ସ୍ୱଚ୍ଛ ତା ପ୍ରବାହ

ହସିଉଠୁ ଦୁଇକୂଳ

ନାରୀ ସ୍ୱାଧୀନତା ସ୍ୱଚ୍ଛନ୍ଦ ବିହାରେ

ନ ପଡୁ କଳା ନଜର ।

ନାରୀ ନିର୍ଯ୍ୟାତନା ନିନ୍ଦନୀୟ କର୍ମ

ଅଟଇ ଅହିତକର

ହେଉ ଦଣ୍ଡନୀୟ ପାପ ବ୍ୟଭିଚାର

ପୁରସ୍କୃତ ସୁସସ୍କାର ।

ସହାୟ ହୁଅନ୍ତୁ ପରମ ପୁରୁଷ

ଲୀଳାମୟ ଜଗନ୍ନାଥ

ସମାଜ ଜୀବନ ହେଉ ସୁସ°ହତ

ହେଉ ନାରୀ ସୁରକ୍ଷିତ ।

    -----