ଲାଉ
ଲାଉ
1 min
189
ହଇରେ ଲାଉ ତୋର୍ କେଡେ ଭାଉ
ଟେକିଟାକି ଦେଲେ ଉପର୍ କେ ଯାଉ,
ହଇରେ ଲାଉ ତୋର କେଡେ ଭାଉ ।
ଖତ୍ ସାର୍ ପାଏନ୍ ଥି ସଲ୍ ସଲେ ଯାଏସୁ ବଢି,
ଛଟ୍ ପଟେ କରି ବାଟ୍ ଖୁଜୁଥିସୁ ଉପର୍ କେ
ଯିବାର୍ ଲାଗି ଚଢି,
ରାଏଞ୍ଜ୍, କାନ୍ଥ୍, ଜାଲିକେ ସିଡି ବନେଇ ଥଉ,
ହଇରେ ଲାଉ ।
ଖପର୍ ଉପରେ ଖିଲ ଖିଲେ ଯାଏସୁ ମୁହୁଁ ମାଡି,
ଦେହେଟା ତ ଲତୋପତୋ ଫଲ୍ ଟା ଗୁଦା ଆରୁ
ଲମ୍ ଗୁଜୁରୁ ହେଇଥିସି,
ନୁନ୍ ମସଲା ଲାଗଲେ ତୁନ୍ ସୁଆଦ୍ ବନିଥଉ,
ହଇରେ ଲାଉ ।
ରୋଗର୍ ଭିତରେ ବି.ପି.ପାଚନ୍ କ୍ରିୟା ଆରୁ ମେଦ୍
ଇତାର୍ ରସ୍ କେ ପିଇଲେ ରୋଗ୍ ଭାଗ୍ ସି
କହିଛନ୍ ବାବା ରାମଦେବ,
କାମ୍ କରା ମାନଙ୍କର ଲାଗି ତୁଇ ତୁମା ବନିଥାଉ,
ହଇରେ ଲାଉ ।