ଏସିଡ ମାଡ

       

 ଏକ ଘୃଣ୍ୟ ମାନସିକତାର ପ୍ରତିଫଳନ

 ଏକ ଜଘନ୍ୟ ଅପରାଧ             

ଛାତି ଫୁଲାଇ ଚାଲୁଥିବା ନରପିଶାଚଙ୍କର

 ଗିଧ ଦୃଷ୍ଟିର ଶରବ୍ୟ ହୁଅନ୍ତି

 ଅତୀତ,ବର୍ତ୍ତମାନ ଓ ଭବିଷ୍ୟତଙ୍କର ମାଆ

 ଆହାଃ,ଉହୁଃ ଜ୍ଜ୍ବଳନର ପୀଡା

 କଂଚା ମାଂସ ପୋଡିଯିବାର ଗନ୍ଧ

 ମିଳେଇ ଯାଏ ମାଂସ

 ଦୃଶ୍ୟ ହୁଏ କେବଳ ହାଡ

 କାଲିର ଅପରୂପା ଆନିନ୍ଦ୍ୟ ସୁନ୍ଦରୀ

 ଆଜି କଦର୍ଯ୍ୟ କଦାକାର

 କୁରୂପକୁ ନେଇ ବଂଚି ରହିବାର 

 ପ୍ରବଳ ଚେଷ୍ଟା

 ଜୀବନବ୍ୟାପୀ ମାନସିକ ଯନ୍ତ୍ରଣା

 ଅବ୍ୟକ୍ତ, ଅକଥନୀୟ

 ପ୍ରତି ମୁହୂର୍ତ୍ତ ମରି ଜିଇଁବାର ପ୍ରୟାସ

 ଭାଙ୍ଗିଯାଏ ମନୋବଳ

 ଲିଭିଯାଏ ଆତ୍ମବିଶ୍ବାସ

 ଅଦିନରେ ଝରିପଡେ

 ଠିକ୍ ଗଙ୍ଗଶିଉଳି ପରି

ଜଣେ ନିରିହା ମାଆ

 ଏ ହେଉଛି ସଭ୍ୟସମାଜର

 ମାନବିକତାର ସାମାନ୍ୟ କଥନ ।