ହେଲି ତୁମ ଦେବଦାସୀ

ତୁମ ଲାଗି ଆଜି ଛନ୍ଦ ତୋଳୁଛି ମୁଁ

ପାଦରେ ଘୁଙ୍ଗୁର ବାନ୍ଧି ,

ଭକତି ଭାବରେ ମଥା ନୁଆଁଉଛି

ଚରଣ ଯୁଗଳ ବନ୍ଦି ।

ତୁମରି ବନ୍ଦନା ତାଳରେ ରଚୁଛି

ଅଙ୍ଗଭଙ୍ଗୀ ଯେତେ ମୋର ,

ଭାବରେ ମଗନ ହୋଇ ହେ ମୋହନ

ନେତ୍ରୁ ଝରିଯାଏ ନୀର ।

ଭାରି ଇଚ୍ଛା ଥିଲା ନାଚିବାକୁ ଟିକେ

ହୋଇ ତୁମ ଦେବଦାସୀ ,

ଆଜି ସେ ସୁଯୋଗ ପାଇଅଛି ଭାବି

ଲାଗୁଅଛି ଭାରି ଖୁସି ।

କରୁଣା ମୋପ୍ରତି ହେବ ଯେବେ ନାଥ

ଗୀତ ଗୋବିନ୍ଦର ସୁରେ ,

ତୁମ ଆଗେ ନିତି ଛନ୍ଦ ତୋଳିବି ମୁଁ

ମହାନନ୍ଦେ ପ୍ରେମଭରେ ।