ଲାଇବ୍ରେରୀ
ପ୍ରୋଫାଇଲ୍
ହେଇ କୁନିଝିଅ ହସୁଛି
ହେଇ କୁନିଝିଅ ହସୁଛି
1 min
344
ହେଇ-କୁନିଝିଅ ହସୁଛି
ଦୁଇ ଦୁଇ ଦାନ୍ତ ଦିଶୁଛି
ଖେଳଣା ନେବାକୁ ତାଳି ମାରି ମାରି
ଠୁକୁ ଠୁକୁ ଚାଲି ଆସୁଛି ।
ହାତୀ,ଡଲଫିନ-ଠେକୁଆ
ମୋଟୁଟା ତ ପୂରା ନାକୁଆ
ଚାବି ମୋଡ଼ି ଦେଲେ ଧଳା ଘୋଡା ଚାଲେ
ଦେଖିଲେ ହୋଇବ ଭକୁଆ ।
ଖଣ୍ଡି ଖଣ୍ଡି କଥା କହୁଛି
ସଭିଙ୍କର ମନ ମୋହୁଛି
ଝୁଲଣାରେ ଟିକେ ଝୁଲିବା ପାଇଁକି
ହାତ ଠାରି ପୁଣି ଧାଉଁଛି ।
ସୁନାଝିଅ ବଡ଼ ହୋଇବ
ପାଠ ପଢ଼ି ଗୀତ ଗାଇବ
କୋଟିକ ଭିତରେ ଗୋଟିଏ ହୋଇକି
ସବୁରି ଆଦର ପାଇବ ।
