ହେ କଳା ଠାକୁର

ହେ କଳା ଠାକୁର କି ବିସ୍ମୟ ତୁମେ

     କେଉଁ ରୂପେ କେଉଁ ନାମ

ଦେଖି ପାରେ ନାହିଁ ଆଦି ଅନ୍ତ ତୁମ

      ବିଚିତ୍ର ହେ ଦାରୁବ୍ରହ୍ମ।

ଧରିତ୍ରୀ ଉପରେ ଆକାଶ ଖଞ୍ଜିଛ

       ସୂର୍ଯ୍ୟ ଚନ୍ଦ୍ର ତାରା ଦେଇ

ଦିନ ରାତି ସୃଷ୍ଟି ଆମରି ପାଇଁକି

       ଜନମ ମରଣ ନେଇ।

ମରତରେ ସ୍ତାପି କେତେ ଗିରି ବନ

       ଝରଣାରେ ଦେଇ ଜଳ

ଫୁଲରେ ଭରିଛ କେତେ ଯେ ମହକ

       ସାଗରେ ଦେଇ ଫେନିଳ।

ଇନ୍ଦ୍ରଧନୁ ଠାରେ ଦେଲ ସାତ ରଙ୍ଗ

       ନାହିଁ ତ ତାର ଉପମା

ବୃକ୍ଷରେ ଦେଇଛ କେତେ କେତେ ଫଳ

       ବାନାନୀରେ ସବୁଜିମା।

ହେ କଳା ଠାକୁର ତୁମରି ପୟରେ

       ଦଣ୍ଡବତ କୋଟି କୋଟି

ତୁମ ଗଢା ଧରା ତୁମରି ପରଶେ

       ଯାଉ ମୋ ଜୀବନ ଲୋଟି.।