ହେ! ବୀର
ହେ! ବୀର
ଜନମ ମରଣ ଦୁଇଧାରେ ଠିଆ
ସତ୍ୟର ପଥ ସ୍ଵର,
ଦେଶଜାତି ପାଇଁ ତୁମେ ହିଁ ମହାନ
ମିଥ୍ୟାକୁ ନାହିଁ ଡର ।
ଉଡିବାକୁ ଏଠି ସମୟ ନିଅଣ୍ଟ
ଯାହା ବି କରିବ ତୁମେ,
ଠିକ୍ ଭୁଲ ସବୁ ପରକ୍ଷିନେବ
ପଡିବନି କାହା ଭ୍ରମେ ।
ବୟସ ଖସିବ ଆୟୁଷ ପାଚିବ
ଚହଳ ପଡିବ ଏଠି,
ସାରା ସଂସାରକୁ କୋଳେଇ ନେବ
ହସିବ ମମତା ମାଟି ।
ଏକା ନୁହଁ ତୁମେ ସକଳ ପରାଣ
ଅୟୂତ ଯୁଗର ବଳ,
ଶତ୍ରୁ ହଟିବ ମଥାକୁ ପିଟିବ
ସରିଯିବ ସବୁ ଖେଳ ।
ଆଶାର ଆଲୋକ ସାରା ଜଗତରେ
ଦେଖାଇବ ନୂଆ ପଥ,
ଗଢ଼ିଦେବ ପ୍ରେମ ବିଶ୍ଵାସ ସବୁଠି
ଚାଲିବ ସଂସାର ରଥ ।
ନବ ଜୀବନର ନବୀନ ପ୍ରଭାତ
ନୟନ ଦେଲେଣି ଖୋଲି,
ରହିଯିବ ନାମ ଅମର ଅକ୍ଷରେ
ପାରିବେନି କେହି ଭୁଲି ।