ବାଃ ରେ ଦାରିଦ୍ର୍ୟ
ବାଃ ରେ ଦାରିଦ୍ର୍ୟ
ସୃଷ୍ଟି ଆରମ୍ଭରୁ ଦାରିଦ୍ର୍ୟ ରହିଛି
ପ୍ରଳୟାନ୍ତେ ରହିଥିବ
ପ୍ରସ୍ତରଯୁଗରୁ ପରମାଣୁ ଯାଏ
କ୍ଷୟ କେବେ ନହୋଇବ |
ସତ୍ୟଯୁଗେ ଥଲେ ଭିକ୍ଷାର୍ଥୀ ବ୍ରାହ୍ମଣ
ବଳୀ ଠାରୁ ନେଲେ ଧନ
ତ୍ରେତୟା ଯୁଗରେ ଭିକାରୀ ବେଶରେ
ସୀତା ହରେ ଦଶାନନ |
ଦ୍ୱାପରରେ ଥିଲା ସୁଦାମା ବ୍ରାହ୍ମଣ
ଚଳୁଥିଲା ଭିକ୍ଷା କରି
ପ୍ରଧାନ ସଚିବ ହସ୍ତିନା ରାଜ୍ୟର
ବିଦୁର ଗରିବ ଭାରି |
କଳିଯୁଗେ କିନ୍ତୁ ଗରିବୀ ବିରୁଦ୍ଧେ
ଚାଲିଛି ଘୋର ସଂଗ୍ରାମ
ଗରିବକୁ ନେଇ ଚାଲେ ରାଜନୀତି
ଗରିବ ନେଲେଣି ନାମ |
ଦାରିଦ୍ର୍ୟର ସୀମା ରେଖାତଳେ ଆଜି
ଅଶି ପ୍ରତିଶତ ଲୋକ
ଯୋଜନା ଚାଲିଛି ଭଳିକି ଭଳିକି
ଭୋକିର ନମରେ ଭୋକ |
ସ୍ୱାଧୀନତା ପ୍ରାପ୍ତି ତେସ୍ତରି ବର୍ଷ
ହୋଇଲାଣି ଅତିକ୍ରାନ୍ତ
ରାସନ କାର୍ଡ ସାଙ୍ଗକୁ ସର୍କାର
ଖୋଲିଲେଣି ଅନ୍ନଛତ୍ର |
ପ୍ରକୃତ ଗରିବ ଚିହ୍ନଟ ହେଉନି
ନକଲି ଗରିବ ବୃଦ୍ଧି
ଆହେ ଦୟାମୟ ହୁଅନ୍ତୁ ସହାୟ
ହଟୁ ଭିକାରିଆ ବୁଦ୍ଧି |