ଦଶ ବିଧ ରୂପ
ଦଶ ବିଧ ରୂପ
ପ୍ରଳୟ କାଳରେ ଅଗାଧ ଜଳରେ
ବୁଡିଯାଇଥିବା ବେଦ
ମୀନ ରୁପ ଧରି ତରୀର ସଦୃଶ୍ୟ
ଉଦ୍ଧରିଲ ପରମେଶ
ମୀନରୁପି ଜଗଦୀଶ
ନିଖିଳ ଜଗତେ ତୁମଜୟ ଗାନ
ହେଉଛି ଘୋଷ ।
ବିଶାଳ ପୃଥିବୀ ତୁମ ପୃଷ୍ଠଦେଶେ
ହୋଇଥିଲା ଅବସ୍ଥାନ
କଚ୍ଛପ ରୁପରେ ଅବତରି ପ୍ରଭୁ
କରିଛ ଆସ୍ଥା ସ୍ଥାପନ
କଚ୍ଛପ ରୁପି ଜଗଦୀଶ
ନିଖିଳ ଜଗତେ ତୁମ ନାମ
ହେଉଛି ଘୋଷ ।
ଦନ୍ତ ଅଗ୍ରଭାଗେ ପୃଥିବୀକୁ ତୋଳି
ଧରି ରଖିଥିଲ ଦିନେ
ବରାହ ରୁପରେ ଅବତାର ନେଇ
ପାଳନ କରି ସ୍ମରଣେ
ବରାହ ରୁପି ଜଗଦୀଶ
ନିଖିଳ ଜଗତେ ତୁମ ଜୟ ଗାନ
ହେଉଛି ଘୋଷ ।
ନରସିଂହ ରୁପେ ବିଦରିଲ ତୁମେ
ହିରଣ୍ଯ କଶ୍ଯପ ତନୁ
କର କମଳରେ ଅଦ୍ଭୁତ ନଖ
ଓଟାରି ଆଣିଲା କ୍ଷଣୁ
କେତେ ଭୟଙ୍କର ଦୃଶ୍ଯ
ନରହରି ବେଶ
ନିଖିଳ ଜଗତେ ତୁମ ଜୟ ଗାନ
ହେଉଛି ଘୋଷ ।
ଦୈତ୍ଯରାଜ ବଳୀ ଭଳିଗଲା ଦିନେ
ତୁମଛଳ ଆଚରଣ
ତିନି ପାଦ ଭୂମି ଦାନାର୍ଥେ ସମର୍ପି
କଲା ପାତାଳ ଗମନ
ବାମନ ରୁପି ଜଗଦୀଶ
ନିଖିଳ ଜଗତେ ତୁମ ଜୟଗାନ
ହେଉଛି ଘୋଷ ।
କ୍ଷତ୍ରିୟ କୂଳକୁ କରିଛ ନିଧନ
ଧରିରୁପ ପର୍ଶୁରାମ
କ୍ଷତ୍ରିୟ ରୁଧିରେ ବିଶ୍ବ ପ୍ରକ୍ଷାଳିତ
ପାପ କରିଛ ମୋଚନ
ଭୃଗୁପତି ଜଗଦୀଶ
ନିଖିଳ ଜଗତେ ତୁମ ଜୟ ଗାନ
ହେଉଛି ଘୋଷ ।
ରାମ ଅବତାରେ ବଧି ଦଶାନନ
ତୁଷ୍ଟି ଦଶଦିଗ ପାଳ
ରମଣୀୟ କାନ୍ତି ସଂସ୍କାର ମଣ୍ଡିତ
ଦେଇ ଅସହାୟେ ବଳ
ଶ୍ରୀରାମ ରୁପି ଜଗଦୀଶ
ନିଖିଳ ଜଗତେ ତୁମ ଜୟ ଗାନ
ହେଉଛି ଘୋଷ ।
ହଳଧର ରୁପ ଧବଳ ଶରୀର
ନୀଳବସ୍ତ୍ର ପରିଧାନ
ଭୟ କରି ତୁମ ହଳ ଆୟୁଧକୁ
ଯମୁନା ହେଲା ନିଉନ
ହଳଧର ରୁପି ଜଗଦୀଶ
ନିଖିଳ ଜଗତେ ତୁମ ଜୟଗାନ
ହେଉଛି ଘୋଷ ।
ବୁଦ୍ଧ ଅବତାରେ ଯଜ୍ଞ ସମୁହରେ
ପଶୁଘାତ ଦେଖିଦେଖି
ସଦୟ ହୃଦୟ ବେଦ ଜାତ ବୋଲି
ହୋଇଲ ହିଂସା ବିରୋଧି
ବୁଦ୍ଧ ରୁପି ଜଗଦୀଶ
ନିଖିଳ ଜଗତେ ତୁମ ଜୟ ଗାନ
ହେଉଛି ଘୋଷ ।
କଳକୀ ଶରୀର ଧୂମକେତୁ ପରି
କରାଳ ମୂର୍ତ୍ତି ଧାରଣ
ପୂଣ୍ଯର ପ୍ରକାଶେ ପାପକରି ନାଶ
କଲ ମ୍ଳେଛ ସଂହାରଣ
କଳକୀ ରୁପି ଜଗଦୀଶ
ନିଖିଳ ଜଗତେ ତୁମ ଜୟଗାନ
ହେଉଛି ଘୋଷ ।