ପୁଣ୍ୟ କାର୍ତ୍ତିକ
ପୁଣ୍ୟ କାର୍ତ୍ତିକ
ପୁଣ୍ୟ କାର୍ତ୍ତିକର ଧାର୍ମିକ ମହତ୍ତ୍ଵ
ଘରେ ଘରେ ବିରାଜିଛି,
ହରି , ହର ପୂଜି ମୋ ଓଡ଼ିଶା ବାସୀ
ବଡ଼ ଓଷା ପାଳିଅଛି ।
ନିତି ଭୋରେ ସ୍ନାନ ସାତ୍ତ୍ୱିକ ଭୋଜନ
ଚଉଁରା ମୂଳେ ମୁରୁଜ ,
ସୁନ୍ଦର୍ ଭାବରେ ଆଙ୍କିଛି ସଜେଇ
ବର୍ଷକର ଖୁସି ଆଜ ।
ସକାଳୁ , ସଞ୍ଜରେ ଦୀପ ଟିଏ ଜାଳି
ମଥା ଟେଜେ ଓଡ଼ିଆଣୀ ,
ହବିଷ ପାଳନ କରନ୍ତି ଆଗ୍ରହେ
ଓଡ଼ିଆ ପର୍ବ ପର୍ବାଣୀ ।
ବର୍ଷକର ଧର୍ମ ମାସକେ ସମର୍ପି
ପ୍ରଭୁଠିଁ ଶରଣ ପଶେ ,
ଆକାଶ ଦୀପକୁ ଜାଳିଦେଇ ସଞ୍ଜେ
ମୋକ୍ଷ ପାଇଁ ଚାହିଁବସେ ।
ଭକ୍ତ ନାରାୟଣ ମହାପାତ୍ର ପାଇଁ
ରାଇ ଦାମୋଦର ବେଶେ ,
ଦର୍ଶନ ଦିଅନ୍ତି ଜଗତର ନାଥ
ଆମ ଓଡ଼ିଶା ପ୍ରଦେଶେ ।
କଳା ବଳଦକୁ ଧଳା କରିଦେଇ
ଧବଳେଶ୍ୱର କଟକେ,
ଶିବ ଶମ୍ଭୁ ବାବା ପୂଜା ପାଉଛନ୍ତି
ଭକ୍ତି ପୂର୍ଣ୍ଣ ନୈବଦ୍ୟେ ।
ବଡ଼ ଓଷା ଆଉ କାର୍ତ୍ତିକ ପୂର୍ଣ୍ଣିମା
ପାର୍ବଣ ପୁଣ୍ୟ କାର୍ତ୍ତିକେ ,
ତୁଳସୀ ଚଉଁରା ହରି ହର ପୂଜି
ଭକ୍ତ ଭକ୍ତି ଭରେ ଡାକେ ।
ପରମ୍ପରା ଆମ ଓଡ଼ିଶା ରାଜ୍ୟର
ପୁରପଲ୍ଲୀ ଠୁଁ ସହର ,
ଆ, କା , ମା , ବୈ କହି ବୋଇତ ଭସାଇ
ପୂର୍ଣ୍ଣମୀ ପର୍ବ ଶୋଭାର।
ଶେଷ ହୋଇଯାଏ କାର୍ତ୍ତିକ ମହାତ୍ମ୍ୟ
ମାସକର ଧର୍ମ ନେଇ ,
ଅନେଇ ଥାଏ ସେ ଆସନ୍ତା ବର୍ଷକୁ
କୋଟି ପ୍ରଣାମ ଜଣେଇ ।