ହେ ଆନନ୍ଦ ମୟ ଭାଗ -୧

ସୁଖ ପରେ ଦୁଃଖ ଦୁଃଖ ପରେ ସୁଖ

    ରହିଅଛି ଏ ସଂସାରେ

ଧନ୍ୟ ମହାପ୍ରଭୁ   କରୁଣା ସାଗର

    ଶରଣ ତୋ ଚରଣରେ l

କାହାକୁ ହସାଅ  କାହାକୁ କନ୍ଦାଅ

    ତୁମ ଆଖି ଇସାରାରେ

ଜୟ ପରାଜୟ  କିଏ କେବେ ପାଏ

    ତୁମ ଆଙ୍ଗୁଳି ନାଚରେ l

ରେଶମ ଶେଯରେ  ଶୋଇଅଛି କିଏ

    କିଏ ଶୁଏ ରାସ୍ତା କଡ଼େ

ଆପଡ଼ା ଖାବଡ଼ା   ରାସ୍ତାର ଉପରେ

    ଲକ୍ଷ ପାଇଁ ଉଠି ପଡ଼େ l

ଆଶା ଓ ନିରାଶା  ପରସ ଭିତରେ

    ଦୁଢ କର ମନୋବଳ

ଆଗ ପଛ ଦେଖି &nb

Advertisement

sp;ଚାଲ ମହାରଥୀ

    ଭର ଶତସିଂହ ବଳ l

ଭାଷା ମୋ ଜନନୀ ସଭ୍ୟତା ମୋ ପ୍ରାଣ

    ସଂସ୍କୃତି ମୋହର ମନ୍ତ୍ର

ବିଶ୍ୱ ଭ୍ରାତୃତ୍ୱର   ପବିତ୍ର ଯଜ୍ଞରେ

    ସ୍ବଦେଶୀ ହେଉଛି ତନ୍ତ୍ର l

ପରସୁଛୁ ଆମ   ପୂଜାର ସମ୍ଭାର

    ତୁମ ସେବାର ବେଦିରେ

ଧନ୍ୟ ହେଉ ପ୍ରଭୁ  ଜୀବନ ଆମର

    ପୂଜୁଁ ଶ୍ରଦ୍ଧା ସୁମନରେ l

ହେ ଆନନ୍ଦ ମୟ!  ସୁଧା ଝରୁଥାଉ

     ତୁମ ହୃଦୟ ମନ୍ଦିରୁ

ପବିତ୍ର ମହୀରୁ   ଦୁଃଖ ଦୂର ହେଉ

     ପ୍ରଣାମ କରୁଛୁ ଦୂରୁ l